Vitendo 21:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Kwamwaa washititimbu shuumilidíle pakati paimbumba vanji vajunganila ashi vanji kujunganila shinji, nang'olo nkumene wavaing'ondo hashipali shawakika shashigwa nadoni nae andílamulila vamuukenavo Paulu kulingongo lyavaing'ondo.

Vitendo 21:34 ပူးပေါင်းရင်းမြစ်များ

Vitendo 19:32

Bai panguguvale awo upagwite upuju gweka; vanji váshijunga vatangola ashi, vanji vatangola shinji na voe havamanyíte shavaukidile mulyutu alyo.

Vitendo 21:37

Napanelo Paulu valota vanjele mulingongo andímudya nang'olo nkumene wavaing'ondo kushidoni, “Inkuululika nangu kukumanyiya shinu shimo?” Nang'olo nkumene wavaing'ondo kushidoni, “Wako unátangola shigalegu?

Vitendo 22:24

nang'olo nkumene wavaing'ondo andívalamulila vanu vake vanjele Paulu mulingongo lyavaing'ondo na vamuudyangidye kwaindila yakunshapa pakulota avalangange shitadíye imbumba injungile.

Vitendo 22:30

Napanelo palyamba lyake, nang'olo nkumene wavaing'ondo aijá alota amanye uwakika waing'ano yavashintambulanga Paulu vayuda, andílamulila vamuungule Paulu na upagwe nguguvale wavanang'olo vavakulangalalela-shadaka pamo na vanang'olo vanguguvale uti kutwala nae kuntwala Paulu kumwimidya shing'ati nguguvale.

Vitendo 23:10

Bai pashinu apo kupwatana kundyúka mushu kumamodya mpaka nang'olo nkumene wavaing'ondo kujopa mwaa wakwona kenga Paulu vananshapwalananga; nadoni andívalamulila vaing'ondo vake vavapoke Paulu vakanjele kavili mulingongo lyavaing'ondo.

Vitendo 23:16

Kanji ndukulugwe Paulu mwana wannumbugwe akaigwe nnugu awo, andyúka kulingongo lyavaing'ondo nammalangangila njombawake vinu avyo uti.

Vitendo 23:32

Palyamba lyake vaing'ondo váshiwena na madodo vandyújila kulingongo lyave kutwala kuvaleka vaing'ondo vavapunda vamuukanavo Paulu kulikaja lya Shashaleya.

Vitendo 25:26

Kwaupande wangu nangu hanguvenavo shinu shakumanyika shalowa shakulota kumwandikila umu nang'olo wangu nimmalanganga munu aju; ni ashi shingutadídye nimwidenavo mushu mwavanu uti na mushu mwako wako Umu Agilipa pakulota ling'oto lyakunnalyanga nakapanji ndapata shoeshoe shakulota kwandika.