Vitendo 21:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Bai mwiu Paulu palyamba lyake andívatwala vanu avalá kuka ndalyushanianganavo ushapu; ling'oto andyúka ndainjila mwing'ande ya Nnungu ndavalanganga liduva lyakumalila vanu avo kulyushanianga ushapu na kuvalanganga shadaka shíshiloteka vantandele kula munu pakati pave.

Vitendo 21:26 ပူးပေါင်းရင်းမြစ်များ

Nshuwau 11:55

Napanelo Pasaka yavayuda ishindavandikanga. Vanu voe vaisemu ayo, Pasaka ikanava kuwika vandyúka ku Yelusalemu ndalyushanianga ushapu.

Vitendo 21:24

Napavedoni wako lyunganiange na vanavo utende pamo shimadengo shakulyushanianga ushapu na gwegwe ulipile njuluku shimadengo asho na ling'oto vanavo vandabubuligwa ugwimbo wave; nadoni, vanu uti vandamanya kenga uti vyavashiigwanga vakwamba wako ni vyaushwang'a mwaa valota kwona kenga nawako momo mpaka ambi unkwodedya Lilamulo lyake Musha.

Vitendo 24:18

Panishitenda vinu avyo, vayuda va ku Ashiya kutwala kungukodya mwing'ande ya Nnungu kanji ngùlyushanienge kala ushapu; pashinu apo haipagwíte imbumba yavanu na haupagwíte upuju.

I Vakolintu 9:20

Kwavayuda nguukilé ndava muyuda kwambangidya ndivapate vayuda. Kwa avalá vavéle mulilamulo nguukilé ndava kenga ngúvele mulilamulo ata ikava hangupali mulilamulo pakulota ndivapate vavéle mulilamulo.