Vitendo 21:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Paulu akavaudyange, andívavalangangila kula shinu shantandalele Nnungu kwaindila yautumika wake pakati pavamidi.

Vitendo 21:19 ပူးပေါင်းရင်းမြစ်များ

Mateu 23:7

Vanavo mumautu aumbala kuvanagwela vavaudyange na ishima na vanu vavasheme ‘Labi.’

Vitendo 1:17

mwaa nae avele munu wamushipinga shetu na jojo jo, vanínjavila imbandi muutumika au.”

Vitendo 14:27

Pavawikile, vandíshema liganisha kutwala kuvalanganga vyatandile Nnungu kwaindila yavanavo na mwavapalalele litala vamidi pakulota vavenavo likulupililo.

Vitendo 15:12

Nadoni vanu uti vakadyaniénge palyutu alyo vandímalalanga na vandímwigwilila Balinaba namu Paulu pavashivalanganga vimanyikilo na vyakutikinikanga vyatandile Nnungu kwavamidi kwaindila yavanavo.

Vitendo 15:4

Bai vanavo pavawikile pa Yelusalemu, liganisha, vamyombe pamo na vanang'olo vandívapwashalela landa kutwala vapaulu kuvavalangangila vinu vyatandile Nnungu na vanavo.

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

II Vakolintu 12:12

Kanji namwiu vimanyikilo vyaumyombe vinditandeka ngala pakati penu nkati mukulipililila uti, kwavimanyikilo, kwavyakutikinikanga na kwavyamakango.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

Vakoloshu 1:29

Kwashabaa ai, ninkukola shimadengo shakupwateka ngulikanyalidya kwodananavo shimadengo shake shikóla namene madengo nkati mwangu na dimongo.