Vitendo 21:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Nae paidile ndakadyania namu wetu, andítwala nkanda wainguvo umwe Paulu kulyunga mmadodo na mmakono kutwala kushidoni, “Imumu Wanashwe atédoni, ‘Mwene nkanda au vayuda vandamunga ku Yelusalemu kutwala kunkamudya kwavamidi.’ ”

Vitendo 21:11 ပူးပေါင်းရင်းမြစ်များ

Nshuwau 18:1

Napanelo pamalidile kushwali, andyúma pamo na vakwoda vake kuka mwangu unji walundi lwa Kedeloni. Mwangu unji walundi alwo, lindípagwa liteka, nae akainjila na vakwoda vake.

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Vitendo 16:6

Vanavo vandípita isemu ya ku Piligiya na ku Galata vakadivililigwa kwa Imumu Wanashwe kuvalanganga lilove ku Ashiya.

Vitendo 20:23

Shangumanyite apa nidoni, Imumu Wanashwe ankumya ushuda mumakaja uti mwangupita kenga kungwa na kuvauvanga kunkungulindila.

Vitendo 21:33

Bai nang'olo nkumene wavaing'ondo aijá anímmandika Paulu kutwala kumwaulila kenga avele mmakono mwashilikali na andílamulila vamunge mang'unyang'unya mavili kutwala kudya, “Da munu aju nyani na atandilé nyamani?”

Vitendo 21:4

Napanelo popo po, tundívalambela vakwoda mpaka kuvakodya kutwala wetu kwikalanavo maduva etu saba. Vakwoda vovo vo, valangalalegwa na Imumu Wanashwe vandímwaulila Paulu hanaamboke kuka ku Yelusalemu.

Vitendo 22:25

Napanelo Paulu pavashimunga dimbuu dyamagwogwe, andímudya nang'olo wavaing'ondo miya apagwíte mulyutu alyo kushidoni, “Da mwenu munkuvanavo lusha lwakunshapa mwenentete muloma viboko vakanava kulalyanga shana mwaa wake?”

Vitendo 24:27

Napanelo ling'oto lyavyaka vivili Pilishi andyúma kutwala lyutu lyake kudiva Polikiu Pestu. Kanji Pilishi alota alodye litananilo kwavayuda, anínneka Paulu mukungwa.

Vitendo 26:29

Paulu kushidoni, “Elo, nangu ninkunjugwa Nnungu pakulota patime hapanatime wako apa pamo na vanu uti vangwigwilíla ava vave kenga mo mwanguvalalele nangu kanji bila mang'unyang'unya.”

Vitendo 28:17

Napanelo akapite maduva matatu, Paulu andívashamanga vanang'olo vavayuda kutwala vanavo pavaidanenge nae kuvaulila doni, “Mmanung'unumunu, nangu panikatenda shinu shakukowa kwavenentete vetu na kwashinamilo shavatulakadile vanakuluvetu, vayuda pa Yelusalemu vaningunga kutwala kungukamudya kumakono avaloma.

Vitendo 28:20

Ni ashi shitadídye ngujugwangile nimwone na ngwambange mwaa namu mwenu pakuva ni kwamwaa walilindilililo lyavanaishilaeli lyangunyukatila nangu mang'unyang'unya ala.”

Vitendo 28:25

Napavedoni vàpagwite mukutaukananga shivenevene, Paulu andívaulila vaumanange atangola lilove limo, “Imumu Wanashwe anditangola viu na vanakuluvenu kwaindila imwe nkúlava Ishaiya

Vitendo 8:29

Bai Imumu Wanashwe andímwaulila Pilipo kushidoni, “Vandika lingishi lyo upite woda!”

Vitendo 9:16

nene nimwene nannodya mauvilo oe álota kumpata kwamwaa walina lyangu.”

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vaepeshu 6:20

wo wanguvele nangu baloshi vànguungile mang'unyang'unya, nguvalangangile na ntima washinannume amulá muvaikidíle ngutangole.

I Timoti 4:1

Imumu napane ankutangola ngala doni, muwakati wamwisho vanji vandaambukanga likulupililo kwigwilila dimumu dyakuduwanga na mapundisho avandamoni,

II Timoti 2:9

aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

Vabalaniya 10:34

Mwenu mundilyunganianga na mauvilo avakungwa, namomo pamushipakanyalegwa vyenu mushindakubali kwalipuwilo mwaa mushindamanya kenga munkuvanavo mali amana ngwengwe.

Vabalaniya 3:7

Doni, kenga mwatangalela Imumu Wanashwe, “Muliduva lyanelo ikava kenga munkwigwa lidi lyake,

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.