Vitendo 20:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Muliduva litandi lyaishumana lyulo tuvakwoda tundíkadyania pakulota tulye pamo. Napanelo kwodamwaa Paulu ashindalota aume palyamba lyake, andyúka mushu atangola na vakwoda mpaka shilo shing'ati.

Vitendo 20:7 ပူးပေါင်းရင်းမြစ်များ

Malukushi 16:9

Yesu akadyuke liduva litandi lyaishumana lyamba linyeiku, munu ntandi kumuumililila avele Maliya wa ku Magadalena aijá wamuumídye majini saba.

Lukashi 22:19

Namomo andítwala ligung'u kunnambwalela Nnungu, kumajanianga kuvapa vakwoda vake aashidoni, “Au ni mili wangu ujaulíka mwaa wenu mwenu. Tenda shinu ashi mungukumbukila nangu.”

Lukashi 24:35

Namomo avalá vakwoda vavili, navanavo vandívalanganga vivatandéke niindila na kuvalanganga kenga vanímmanya kwaindila yashimajanidyo shaligung'u.

Nshuwau 20:1

Napanelo muliduva litandi lyaishumana lyamba linyeiku padimbile vila, Maliya wa ku Magadalena ankuka kushonga, ankukodya lijanga lyavadivíle pashonga apalá, vàushidye.

Nshuwau 20:19

Napanelo paiwikile yalyulo muliduva lyolyo litandi lyaishumana, vakwoda vake pavavéle po nnango vàshimile kwamwaa wakuvajopa vayuda, Yesu andíinjila kwimila shing'ati shave kutwala kushidoni, “Amani ipagwe namu mwenu!”

Nshuwau 20:26

Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”

Vitendo 16:10

Ling'oto lyakwona indoti ayo, tundílipanganiyangidyanneu kuka ku Makedoniya tumanya kenga Nnungu anditutuma tuke tukavavalangangile vamakedoniya ntenga wambone.

Vitendo 2:42

Napanelo vanavo vashindangaikangila mapundisho avamyombe, upamo, kumajananga ligung'u na kushwali.

Vitendo 2:46

Liduva kwaliduva vakadyania mwing'ande ya Nnungu, vamajananga ligung'u muding'ande, vashindamajananga kula munu na muje kwamitima vyalipuwilo na vyakujaulanga,

Vitendo 20:11

Bai Paulu andíkwela kavili mwigalopa kutwala kumajanianga shakulya kutwala vanavo uti kulya. Kutwala apo, andítangola vila mpaka linyeiku kutwala kuma kuka.

Vitendo 20:31

Napavedoni lilaledye mukumbukila doni, nangu muvyaka vitatu shilo na mui hangulakadile kunyuma kunnangalalela kula munu pakati penu ngulilidyanga.

Vitendo 20:5

Vanavo vandílangalela kuka ndatulinda pa Tolowashi.

Vitendo 20:9

Napanelo nnemba jumo walina Eutiku andíikala palidilisha kutwala kwindila lwono akuno Paulu alapayanga kutangola. Bai andílala lwono lwakulikandangila na andígwa mwigalopa yantatu mo kugwilila pai; vaukilé nannakota wiu wakudidima.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

I Vakolintu 10:16

Da i mwiu luwene lwakwalaligwa alulá lwatulambwalela, hakunava shinu kuliinjidyanga mumyadi vimwe Klistu? Ligung'u lyatumajana hakunava shinu kuliinjidyanga mumili umwe Klistu?

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

I Vakolintu 16:2

Muliduva litandi lyaishumana, kula munu pakati penu inimmaikila aapule isemu imo akondye kulingana na ashilá shapata pakulota hamunatende nshango wakati nangu ngùwikile.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

Maono 1:10

Napane muliduva limwe Umu ndítwaligwa mu Imumu kutwala kunyuma kwangu kwigwa lidi likumene kenga lipalapanda