Vitendo 20:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Napanelo shikukulu shamagung'u ákave nkukumuku shikapite, wetu tundyúma pa Pilipo kukwela mwingalava kutwala mwanda wamaduva mwanu kuka ndakadyania na vavetu pa Tolowashi. Palikaja ali tundíikala maduva saba.

Vitendo 20:6 ပူးပေါင်းရင်းမြစ်များ

Vitendo 12:3

na akone kenga shitendo asho vayuda shinkuvanagwela, anínkamula Patulu momo. Avyo vitandeke mumaduva ashikukulu shamagung'u ákave nkukumuku.

Vitendo 16:10

Ling'oto lyakwona indoti ayo, tundílipanganiyangidyanneu kuka ku Makedoniya tumanya kenga Nnungu anditutuma tuke tukavavalangangile vamakedoniya ntenga wambone.

Vitendo 16:12

Patumile apo tundyúka mpaka pa Pilipo likaja lya dishiklitu itandi yashitajili yalijimbo lya Makedoniya lyavashitawala valoma. Palikaja ali, wetu tundíikala maduva atwikalénge.

Vitendo 16:8

Napavedoni vanavo vandípita pa Mishiya kwalalela pa Tolowashi.

Vitendo 20:16

Paulu andyámuwa kupita umungu pa Epeshu kwambangidya mulijimbo alyo lya Ashiya hanatimatimange mwaa avele na ntima wakuwika shipajelo ku Yelusalemu na ata leka yùlulike awike liduva lya Pentekoste likanava kuwika.

Vitendo 20:5

Vanavo vandílangalela kuka ndatulinda pa Tolowashi.

Vitendo 21:4

Napanelo popo po, tundívalambela vakwoda mpaka kuvakodya kutwala wetu kwikalanavo maduva etu saba. Vakwoda vovo vo, valangalalegwa na Imumu Wanashwe vandímwaulila Paulu hanaamboke kuka ku Yelusalemu.

Vitendo 21:8

Palyamba lyake, tundyúma mpaka pa Shashaleya. Pakaja apo, wetu tundyúka ndawikila paing'ande yake nkúvalanganga-ntenga walina Pilipo munu wamushipinga shavanu saba.

Vitendo 28:14

Pa Putiyoli wetu kuvakodya vanung'unumunu, vovo vo kutujugwangila twikanavo ishumana imo. Kutwala apo, tundyúka ndawika ku Loma.

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

II Timoti 4:13

Napane paulota kwida po, ngunyakatila likoti lyaninnakalele Kalupu ku Tolowashi na mabuku, kupunda namene alalá amagwogwe.