Vitendo 20:38 - Ibibiliya mu Shimakonde Imbodi Yaambi na dimbande dya Imbodi Yakala

³⁸ Shinu shivatadídye vanavo vamamodye kuvanavo shipalodi shoe ni mwaa washitangodi shavatangaladile aashidoni, “Hamwona kavili ing'ope yangu.” Bai vanavo vanímpalakela mpaka kwingalava.

Vitendo 20:38 ပူးပေါင်းရင်းမြစ်များ

Vitendo 15:3

Napanelo liganisha likavatumidye, vanavo vandípitila ku Poiniki na ku Shamaliya vavavalanganga vamidi mwavashinjiulidile mitima vyave kwa Nnungu; bai vanung'unumunu vandípuwanga namene mwaa wadyabali adyo.

Vitendo 20:25

“Napanelo lola, nangu apa ndimanya doni pakati penu mwenu wanimmalangangidile utawala, hapali ata jumo álota kwona kavili ing'ope yangu.

Vitendo 21:16

Mushimwanda shetu vakwoda vanji va pa Shashaleya vandítupalakela mpaka paing'ande pake Manashoni, palyutu lye livaikidíle tuwikile. Munu aju avele wa ku Kupulu na avele nkwóda wamushipinga shavakwoda vatandi.

Vitendo 21:5

Nkaja amo tukaikalange maduva etu alo, wetu tundyúma kulodya kwatushuka. Kutwala vakwoda na vadyavavo pamo na vanavavo kutupalakela kumalila likaja mpaka ndawika nanyenje imanga; koko ko, tundíguguvalanga kutwala kushwali.

Vitendo 25:26

Kwaupande wangu nangu hanguvenavo shinu shakumanyika shalowa shakulota kumwandikila umu nang'olo wangu nimmalanganga munu aju; ni ashi shingutadídye nimwidenavo mushu mwavanu uti na mushu mwako wako Umu Agilipa pakulota ling'oto lyakunnalyanga nakapanji ndapata shoeshoe shakulota kwandika.

I Vakolintu 16:11

Napavedoni, hanapagwe wakumwiludyanga. Mpwashele mushimwanda shake kwaamani pakulota aujile kwangu nangu mwaa nangu pamo na vanung'unumunu, tunkunnindila.

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.