Vitendo 20:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Namomo pakati penu vandabuka vanu vatangola vinu vyakudinguwanga pakulota vavaute vakwoda vavode vanavo.

Vitendo 20:30 ပူးပေါင်းရင်းမြစ်များ

Mateu 23:15

“Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mumalila imanga na mwangu pakulota mumpate wakuliinjidyanga jumo tu bai, mukampata munkumpindula kuva mwana wakushena kumpunda mmene.

Vitendo 11:26

Akamwone, aníntwala kumwidanavo pa Antiyokiya. Bai vanavo vandíikala pa Antiyokiya mpaka kumalila mwaka umo vavapundisha vakwoda voe vapaliganisha lyankaja amo. Napane pa Antiyokiya ni pavavashamíle vakwoda lina lya Vaklistu mumwanda utandi.

Vitendo 21:38

Da wako hauvele mmishili aijá átandile mandamano akupinga shilikali mumaduva apitíle kutwala kuvatwala vakupinga-shilikali dyalupu nsheshe kuvaukanavo kushimbweshe?”

II Vakolintu 11:13

Mwaa vanu avo ni vamyombe vakushang'apa, vamadengo vakuduwanga valijaluwánga kuva vamyombe vamwe Klistu.

I Timoti 5:13

Leka apo, vandálipundisha vave vawondo vawanawananga nding'ande na i gweka vawondo kanji namomo vakung'wenya, vakuliinjidyanga mumyaa vatangola vinu víkavaikidile.

I Timoti 6:5

na mitau víkave mwisho vyavanu vading'ano dyakutimbikanga vákave umwiu vona kenga kupata malupulupu ni kunjopa Nnungu.

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.

I Nshuwau 2:19

Vanavo vandilyumadyanga pakati petu kanji havavéle vetu wetu mwaa leka vàvele vetu wetu vakandipagwa namu wetu kanji vanavo vandilyumadyanga pakulota imanyike ngala kenga pakati pave wetu wetu hapagwíte ata jumo.

II Nshuwau 1:7

Mwaa vakuduwanga voe vandyumilila mushilambo amu na vovo vo, havanammalanganga shinu Yesu Klistu kwida mushimunu. Amu ni mwavalalele nkúduwanga na mmongo wake Klistu.

Maono 2:6

Kanji pane shipali shalala kwako wako, wako unkuvangedya vitendo vyavanikolau kenga mo mwanguvangadyedya nangu.