Vitendo 20:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 20:28 ပူးပေါင်းရင်းမြစ်များ

Mateu 16:18

Namomo ninkukwaulila doni, wako Patulu na nangu pashanya lijanga lyolyo ali, ndadenga liganisha lyangu na liganisha alyo milango vyakumoka havyulula kutema.

Mateu 2:6

“ ‘Wako Beteleemu úvele mushilambo sha Yuda, mwiko haunava shinu undikidiki pakati pavananangalaledi vavayuda mwaa kwako wako andaumililila nanangalaledi álota kuvashunga venentete vangu vanaishilaeli.’ ”

Malukushi 13:9

“Mwenu lilaledye! Vanu vandamuukanavo mudikamati na muvitala vyakulipudidya vananshapa viboko. Kwamwaa wangu nangu mundaimila mushu mwavananangalaledi vamajimbo na mwavaumu kenga ushuda kwavanavo.

Lukashi 12:32

“Hamunajope mwenu mmakwoda vangu mwaa Tatagwetu ininnagwela kumupa utawala wake.

Lukashi 21:34

“Lishunge! Hamunaleke mitima vyenu viidapelwa kwambalwa na ulevi na mangaikangilo ashinamidyo ashi kutwala liduva alyo kunkodya shingangala kenga ntego

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Vitendo 14:23

Namomo mumaganisha uti avashipita, vashindavatandola vanang'olo; ling'oto lyakushwali na kunga vashindavavika vakwoda uti mmakono mwake Umu wavankulupidile.

Vitendo 20:17

Napanelo po pa Miletu, Paulu andívashema vanang'olo valiganisha va ku Epeshu.

Vitendo 20:29

Nangu ndimanya shana doni, ling'oto lyakuma nangu andaumilila mavinji akujowa pakati penu pavakapambedya likundi lyavangandolo.

Valoma 16:16

Udyanianga kwashimanyikilo shalinagwaledyo. Maganisha uti amwe Klistu ankumuudyanga.

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

I Vakolintu 10:32

Hamunavatadye shinyadinyadi vayuda kwali ata vagalegu na ata liganisha lya Nnungu

I Vakolintu 11:22

Da hamuve ding'ande divaikidíle mulye na mukumbile? Kwali munkwiludyanga liganisha lya Nnungu na kuvataa dyoni avalá vákave pashinu? Da nimwaulile nyamani? Nangu nintumbyange? Mene, kwaing'ano ai ninantumbyanga shinu!

I Vakolintu 15:9

Mwaa nangu nindikidiki namene pakati pavamyombe na ata hanguvaikidile kushamegwa myombe mwaa ndipapata liganisha lyake Nnungu.

I Vakolintu 6:20

mwaa mundishumigwa kwaibei. Napavedoni mupe lishangelo Nnungu mumili vyenu.

Vagalata 1:13

Mwenu mundigwa shana mavalelo angu panguvéle nkati mwidini yashiyuda; mwashi mwangushipapatila liganisha lyake Nnungu na mwangushitandela ing'ondo.

Vaepeshu 1:14

nae jo àvele kulivikila kutandi kwamaleko etu mpaka kwambwalegwa kwa avalá vake Nnungu kwakutumbyangilika kwalishangelo lyake.

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 4:11

Ni jojo ávapele vanji kuva vamyombe, vanji kuva vakulava, vanji kuva vakuvalanganga ntenga, vanji kuva vashungaji na vanji kuva vamwalimu

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

Vakoloshu 1:14

mwake nae tunkuvanavo kwambolegwa kùvele kulivalivigwa kwashimadambi.

Vakoloshu 4:17

Mwaulile Alikipu doni, “Angaikangila utumika waupatile nkati mumwe Umu pakulota ukawishe popo.”

I Timoti 3:1

Lilove ali ni lyakukulupilika: munu akavanavo shabaa yakupata shinang'olo shankúlaledya, ankulota shimadengo shambone.

I Timoti 3:2

Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

I Timoti 3:5

Mwaa munu akanaulula kulangalalela ing'ande yake, alota kushunga dashi liganisha lyake Nnungu?

I Timoti 4:14

Haunaleke kunyenje shajo shavakupele wako kwaindila yakulava pavakuvikidile makono pankodyanio wavanang'olo.

I Timoti 4:16

Lilaledye namene gwegwe umwene na mapundisho ako. Nanopa mwanavo mwaa pautenda davo po, undaliposha wako umwene pamo na avalá vakwigwilíla.

I Timoti 5:17

Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

Titu 1:7

Mwaa nkúlaledya kenga munu wavankamudidye vyake Nnungu indivaikila ave ákave likosha, i wakulyona, i wadinyang'unyang'u, i wakwambalwa, i wakukanyola kwali ávikila liu lukwinyango.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vabalaniya 12:15

Lishunge, hanapagwe wakulota kulinyemya muumonyo wake Nnungu; halunapagwe lushija lwakukalala lwakwipuka pakati penu kutwala kutadya kumwangaishanga na kwambukishigwa vanu voe,

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

I Patulu 2:25

Mwaa mwenu muvele kenga dingandolo dyakudumbadumba kanji napane ambi apa, mundimuujila Nkúshunga na Nkúlaledya waungumi wenu.

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

I Nshuwau 1:7

Kanji tukawena mulilangadyo kenga mwapagwididye nae mulilangadyo, tunkuvanavo upamo kula munu kwamuje na myadi vimwe Yesu, jo Mwanamunu vinkutuushanianga ushapu wamadambi uti.

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.