Vitendo 2:41 - Ibibiliya mu Shimakonde Imbodi Yaambi na dimbande dya Imbodi Yakala

⁴¹ Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vitendo 2:41 ပူးပေါင်းရင်းမြစ်များ

Nshuwau 14:12

Ninkumwaulila mwiu mwiu doni, aijá ángukulupila nangu, vyangutenda avi nanae momo andatenda na vyakwanjadyeka kupunda avi, nae andatenda mwaa nangu mwanda kumwe Atata.

Nshuwau 21:11

Bai Simoni Patulu andíinjila mwingalava kutwala kuutila lungau kumwangu. Lwanavo lundyúmbala dyomba ding'umene miya imo na amusini na tatu. Ata ikave davo lungau halupapwíke.

Vitendo 1:15

Napanelo muwakati awo muliduva limo vandíkadyanianga vanung'unumunu vakuwikila kenga imiya imo na ishilini kutwala Patulu kutakatuka pakati pave kutangola doni,

Vitendo 13:48

Bai vamidi vakaigwe malove alo, vashindapuwanga namene na vashindaing'a lishangelo lilove lyake Umu; kutwala avalá vatandalégwe vapate shingumi shíkamalilika, vandíkulupila.

Vitendo 2:37

Bai vanavo vakaigwe malove ala, vindívabuka mitima kutwala kumudya Patulu pamo na vamyombe vanji kushidoni, “Mmanung'unumunu, napanelo wetu po tutandelé mwashi?”

Vitendo 2:47

vantumbyanga Nnungu na vavanavo litananilo kwavenentete uti. Bai liduva kwaliduva Umu ashindavaanjadyedya vanu vakwambolegwa.

Vitendo 27:37

Mwingalava amo tundípagwa tuvanu dimiya mbili sabini na sita.

Vitendo 3:23

Munu akanamwigwilila nkúlava ajo, andaapuligwa mushipinga shavenentete na andabamolegwa.’

Vitendo 4:4

Kanji vanu voe pakati pave vaigwíte lilove, vandíkulupila. Vanu avo vandíwikila shikonda shavalume kenga dyalupu mwanu doni.

Vitendo 7:14

Napanelo Yoshe andítuma vanshamele tatamunu Yakobo pamo na valikola vake; vanu vakuwikila shikonda shavanu sabini na tano.

Valoma 13:1

Kula munu alivike mwina mwavamadalaka avalá vatawála mwaa hapali madalaka apagwíte ákaalakadile kumwe Nnungu na madalaka uti apagwíte, apangiké namu Nnungu.

I Vateshalonika 1:6

Mwenu mundilitenda kuva mmakujedya vetu na vamwe Umu pamupwashaladile lilove nkati mumauvilo oe kwalipuwilo lya Imumu Wanashwe.

I Patulu 3:20

dyo díkashiigwilila muwakati wakala Nnungu pashilindila kwaupole mumaduva amwe Noe paishikandyangigwa ingalava. Mwanavo ni vanu padyoko tu vapukíle mmedi, vanu avo vavele nane.

Maono 16:3

Njelo wambili andimiminila ndamu wake mwimanga kutwala yanavo kujalukanga kuva kenga myadi vyamunu wakupela na vinu uti vivénavo shingumi vipagwíte mwimanga, kuwanga.