Vitendo 2:40 - Ibibiliya mu Shimakonde Imbodi Yaambi na dimbande dya Imbodi Yakala

⁴⁰ Napane kwamalove anji oe ashindaumya ushuda na auka mushu avajugwangila kushidoni, “Liposhe mushaushanga shiidíla udukulu au wantau.”

Vitendo 2:40 ပူးပေါင်းရင်းမြစ်များ

Mateu 12:34

Mmanu mmashinankulaba mmakunyata mitima mwe! Mwenu mulota kutangola dashi malove ambone akuno mùvele mmanu mmakunyata mitima? Munu atangola vimuumbéle muntima mwake.

Mateu 16:4

Eti vanu vaimbula yakunyata mitima na yakulavalava vajugwa shimanyikilo! Bai hashipali shimanyikilo shavalota kwona ila shimwe nkúlava Janashi.” Bai nae andívaleka kutwala kulyumadyanga kuka.

Mateu 17:17

Yesu kutwala kushidoni, “Mmanu mmaimbula íkakulupila na yakudumbadumba! Da nangu ndapagwa namu mwenu mpaka duvani? Nannaga mwenu mpaka duvani? Mwidenavo apa ndyoko jo!”

Mateu 23:33

“Mwenu mmanyoka, udukulu wadinyoka dyaishumu mwe! Mulota kutila dashi ukumu yakushena?

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Lukashi 16:28

Ninkuvanavo vanung'unuvangu mwanu vangulota auke akavaumidye ushuda kwambangidya vanavo havanaide momo mulyutu ali lyamauvilo.’

Lukashi 21:36

Ngwengwe muve mevo mujugwa mupate dimongo kwambangidya vilóta kutandeka vyo vinkowe na mwimile bila kujagajega pamevo pake Mwana Wamunu.”

Nshuwau 21:25

Vipali vinji vyoe vyatandile Yesu. Leka kula shinu shàandikike, ngwona kenga mushilambo uti hainapagwe inapashi yakutosha kuvika mabuku akaandikíke.

Vitendo 10:42

Nae wetu anditutuma tuvalangange ntenga kwavenentete na tumye ushuda kenga nae Nnungu andimupa madalaka akuva nkúukumu wavangumi na vapadíle.

Vitendo 15:32

kutwala Yudashi namu Shilashi vo vene vàvele vakulava momo, vandítangola namene vavapa ntima shii na vavanonowanga vanung'unumunu.

Vitendo 20:11

Bai Paulu andíkwela kavili mwigalopa kutwala kumajanianga shakulya kutwala vanavo uti kulya. Kutwala apo, andítangola vila mpaka linyeiku kutwala kuma kuka.

Vitendo 20:2

Shilambo asho nae andípita awanawananga avananonowanga vakwoda kutwala kuwika ku Galashiya.

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vitendo 20:9

Napanelo nnemba jumo walina Eutiku andíikala palidilisha kutwala kwindila lwono akuno Paulu alapayanga kutangola. Bai andílala lwono lwakulikandangila na andígwa mwigalopa yantatu mo kugwilila pai; vaukilé nannakota wiu wakudidima.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

II Vakolintu 5:20

Napavedoni wetu ni mabaloshi vamwe Klistu; Nnungu alaililila kwaindila yetu wetu. Tunkunjugwangila kwamwaa umwe Klistu, mwigwane namu Nnungu.

II Vakolintu 6:17

Napavedoni, “Lyumadyange pakati pave, vaambukange, atangola Umu, hamunakamule shinu shishapu na nangu nampwashalela.

Vagalata 5:3

Ninkwakikisha kavili kenga kula munu ákumuligwa likumbi, nae ankudaigwa atandedye lilamulo uti.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

Vapilipo 2:15

pakulota dashi, muve mmanu múkave makosha na múkave ushapu, mmanavake Nnungu múkave malemba pakati paimbula yavanu vakukangadakanga na vakwashalanga, po pamulangala mwenu pakati pave kenga vyakulangala mushilambo

I Vateshalonika 2:11

Mwaa mundimanya shana mwatupagwididye na kula munu pakati penu kenga tatamunu kwavanamunu

I Timoti 4:16

Lilaledye namene gwegwe umwene na mapundisho ako. Nanopa mwanavo mwaa pautenda davo po, undaliposha wako umwene pamo na avalá vakwigwilíla.

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.