Vitendo 2:33 - Ibibiliya mu Shimakonde Imbodi Yaambi na dimbande dya Imbodi Yakala

³³ Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 2:33 ပူးပေါင်းရင်းမြစ်များ

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

Malukushi 16:19

Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Lukashi 24:49

Mwenu! Nangu nampalakadyedya shalivikile Atata kanji mwenu pagwa po pa Yelusalemu apa mpaka mupate dimongo dyakwaloka kushanya.”

Nshuwau 14:16

na nangu nanjugwa Atata na nae andamupa nkúpambadyanga junji aikale namu mwenu ngwengwe,

Nshuwau 14:26

napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.

Nshuwau 15:26

“Napanelo palota kwida aijá nkúpambadyanga wangulota kuntumidya kwaloka kumwe Atata, Imumu Waumwiu áalakela kumwe Atata, nae jo andaumya ushuda wangu nangu.

Nshuwau 17:5

Nadoni napanelo Atata ngupa lishangelo pamevo pako, lishangelo lyolyo lyanguvénavo pamo namu wako shilambo shikanava kukandyangigwa.

Vitendo 1:4

Pakati pamaduva alo, muliduva limo vàvele pamo, andívaanyalela lilamulo aashidoni, “Hamunatumuke pa Yelusalemu apa; lindila ashilá shalivikile Atata shamungwigwite nimmalangangila.

Vitendo 10:45

Kanji vakukulupila vaaléke namu Patulu ku Yope vàvele vayuda, vandíshanga pavagwene vamidi navanavo momo Nnungu avamiminila Imumu Wanashwe

Vitendo 2:17

“ ‘Mumaduva amwisho, atangola Nnungu, vanu uti ndavamiminila Imumu wangu. Vanavenu valume na vakongwe vandalava, vanemba venu vandaona maono, vanang'olo venu vandalatanga dindoti.

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

Vagalata 3:14

Nae andilanigwa kwambangidya kwalaligwa kumwe Abulaamu kukavawikile vamidi nkati mumwe Klistu Yesu na kwalikulupililo tupwashalele kulivikila, kulivikila aku àvele Imumu.

Vaepeshu 1:13

Nkati mwake namwenu momo pamwigwite ntenga waumwiu, ntenga wambone wo umwambwéle; mwenu múnkulupidile nae, mundinamatiligwa kwa Imumu Wanashwe wakulivikila,

Vaepeshu 4:8

Ni ashi shitangaléke, “Pakwadile kuka kushanya, andilangalalela shipinga shikumene shamatondo na kuvapa vanu dinudyo.”

Titu 3:6

watumiminidile nae kwabila shipimo kwaindila imwe Yesu Klistu Mwamboli wetu

Vabalaniya 10:12

Kanji napane Klistu pamalidile kumya shadaka shake kwangwengwe, shadaka shimo tu kwamadambi, andiikala kunkanakono kwake Nnungu.

Vabalaniya 2:9

ila tunkumwona Yesu wauntandile padyoko tu kuva mwina mwavanjelo, waungwadidye lidaka lyalishangelo na lyaishima kwamwaa wakuvauvanga mukupela kwambangidya kwaumonyo wake Nnungu alinge kupela kwamwaa wavanu uti.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.