Vitendo 2:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Napane jo Daudi jo, avele nkúlava na amanya doni Nnungu andilivikila kwakulilapa kenga jumo wamuudukulu wake andadiva pashiumu shake,

Vitendo 2:30 ပူးပေါင်းရင်းမြစ်များ

Mateu 22:43

Yesu kushidoni, “Napanelo mwaa shani jo Daudi alangalalegwa na Imumu, aninshema kuva nang'olo wake? Mwaa nae atédoni,

Mateu 27:35

Vakankamela panshalaba kutwala dinguvo dyake kujavananga kwaindila yakujalanga gudugudu

Malukushi 12:36

Jo mwene Daudi alangalalegwa na Imumu Wanashwe atédoni, “Umu andimwaulila Nang'olo wangu doni, ‘Ikala kunkanakono kwangu mpaka nangu ndivavike vamongo vako kumaulu kwako.’

Lukashi 24:44

Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

Vitendo 1:16

“Mmanung'unumunu, Maandiko atangwele kala Imumu Wanashwe kwaindila imwe Daudi andivaikila awikile popo; Maandiko lo amwamba Yudashi, nannimya wakulangalalela shipinga shinkamwíle Yesu

Valoma 1:3

umwámba mwanagwe, jojo jo, kwakwodananavo shimunu ávalakwadidye muudukulu umwe Daudi

Valoma 15:12

Kutwala Ishaiya nanae ankushidoni, “Lundapandukanga lushija kumwe Yeshe, lwanavo lundatakatuka kuvatawala vamidi, kwalwanavo, vamidi vandavika lilindilililo lyave.”

II Timoti 2:8

Nkumbukile Yesu Klistu ádyukile pakati pavakupela, ndukulugwe Daudi kwodananavo ntenga wambone wangu

Vabalaniya 1:1

Kala po Nnungu andítangola na vanyakalavetu myanda vyoe na kwadinamuna dyoe kwaindila yavakulava

Vabalaniya 3:7

Doni, kenga mwatangalela Imumu Wanashwe, “Muliduva lyanelo ikava kenga munkwigwa lidi lyake,

Vabalaniya 4:7

kavili ankuvika liduva linji lyavashema “Liduva lyanelo” patangwele kwaindila imwe Daudi ling'oto lyakupita wakati woe kwodananavo avilá vitangaléke kaladavo, “Muliduva lyanelo ikava kenga munkwigwa lidi lyake, hamunananope mitima vyenu.”

Vabalaniya 6:17

Nadoni Nnungu palotile kulodya kwabila kwambambidya malotelo ake ákabadilika kwavakupata-maleko akulivikila, nae andyakikisha kwakulilapa

Vabalaniya 7:21

kanji nae anditandegwa namu Nnungu kuva nkúlangalalela-shadaka, jo álilapidile jo amwaulidile doni, “Umu andililapa na halyambila shinu, ‘Wako ni nkúlangalalela-shadaka ngwengwe.’ ”

II Patulu 1:21

mwaa mwiko malove alo hapandukenge mumalotelo ashimunumunu kanji vanu vandivalanganga kwalakela upande wake Nnungu valangalalegwa kwa Imumu Wanashwe.

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 19:16

Mwikanju yake na nshija mwake vandyandika lina ali, “Umu wavaumu, Nang'olo wavanang'olo.”