Vitendo 2:3 - Ibibiliya mu Shimakonde Imbodi Yaambi na dimbande dya Imbodi Yakala

³ Kutwala apo, vindyáneka vinu mwadindimi dyamoto dyakujavanikana na kula shinu shìtulidile pamuti pakula munu

Vitendo 2:3 ပူးပေါင်းရင်းမြစ်များ

Mateu 3:11

“Nangu mwenu apa, ninkumbatisha na medi kulodya kulijugulanga. Napane ling'oto lyangu nangu ankwida munu wadimongo kungupunda nangu wandikavaidile nangu kumuulanga vilatu vyake. Nae mwenu po, anambatisha na Imumu Wanashwe na moto.

Mateu 3:15

Yesu kutwala kunjang'ula kushidoni, “Kwaambi apa leka ive yadavo mwaa indituvaikila tuwishe popo ishaliya uti.” Nshuwau kwitikila.

Lukashi 24:32

Bai vanavo vandyáulanila, “Da mitima vyetu havishitubuka pashitutangalela niindila atwigwiniya Maandiko?”

Vitendo 1:15

Napanelo muwakati awo muliduva limo vandíkadyanianga vanung'unumunu vakuwikila kenga imiya imo na ishilini kutwala Patulu kutakatuka pakati pave kutangola doni,

Vitendo 2:11

tuvanji tuvayuda na kavili tuvanji túliinjidyenge, twálakadile ku Kaleta na tuvanji kwavaalabu; kanji wetu apa vanavo pavatangola vavalanga vitendo vyakujowa vya Nnungu tunkuvaigwa mudinangodi dyetu tuvene dyashing'ang'eng'e!”

Vitendo 2:2

Kwashingangala, kuwa kwaloka lidi lyakuuluta kenga kupunga kwaimepo yadimongo kutwala kwanela uti nng'ande mwavaikalénge.

Vitendo 2:4

kutwala vanu avo uti kuvaumbala Imumu Wanashwe na kwatuka kutangola dinangodi dyakuvilingananga kwodana na lyululilo lyavapéle Imumu.

I Vakolintu 12:10

junji kutandedya vyamakango, junji kulava, junji kupambula dimumu, junji dinangodi dyakuvilingananga na junji kuvalangangila dinangodi.

Tiyagu 3:6

Nadoni lulimi yadavo ni moto na lilangalanga lyaungave-shaliya. Lwanavo lunkuvanavo lyutu lyake pakati padimbandi dyamili vyetu, lunkumwambukisha mili uti, lunkukaledya shingumi uti; lwo lwene lwo lundikalela moto walakéla kushena.

Maono 11:3

“Nene ndavapa lilamulo vashuda vangu vavili, vanavo vandalava mumaduva alupu imo dimiya mbili na sitini vàgwalenge maguni.”

Maono 14:6

Napanelo ndímwona njelo junji auluka kuniania àvenavo ntenga wambone úkamalilika pakulota avavalangangile avalá vanáma mushilambo shapai; kula shilambo, likola, inangodi na venentete