Vitendo 2:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Mwaa wako hawambukanga ungumi wangu kumoka na ata haunneka Nkwílimyanga wako alinge kunda.

Vitendo 2:27 ပူးပေါင်းရင်းမြစ်များ

Mateu 11:23

Nawako Kapalanaumu! Da ulota kulikwedya mpaka kuwa? Bai vandakupandamwalela kumoka. Makango atandéke kwako wako leka àtandeke ku Shodoma, njini awo ukandipagwa mpaka nelo.

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Lukashi 16:23

Ntajili àvele kumoka andíng'amula mevo akuno auvauvanga kumwona Abulaamu kushu, Lashalu àvele namu nae.

Lukashi 24:44

Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

Lukashi 4:34

aashidoni, “Iya! Yesu wa ku Nashaleti, da wetu po tukukawadidyé nyamani? Widilé ndatubamola? Nangu ndikumanya shana wako jo. Wako ni Wakwilimyanga wake Nnungu.”

Nshuwau 11:39

Yesu kutwala kushidoni, “Usha lijanga lyo!” Malita numbugwe wakujala do, “Nang'olo, ambi apa ankunung'a mwaa andipita maduva nsheshe.”

Vitendo 2:26

Ni ashi shitadídye ntima wangu upuwange, lulimi lwangu lulitamange na ata mili wangu undapagwa mulilindilililo.

Vitendo 2:28

Wako uningulangudya dindila dyashingumi, unanguumbadya lipuwilo kwakupagwa kwako.’

Vitendo 2:31

nae andyóna kaladavo na kutangola yakudyuka kumwe Klistu kenga havamwambukenge kumoka na ata mili wake haulingile kunda.

Vitendo 3:14

Kanji mwenu mundimwita Wakwilimyanga na Waishaliya kutwala kujugwa vamuungulile nkúbyaa.

Vitendo 4:27

Namwiu, Elode, Ponji Pilatu, vamidi pamo na vanaishilaeli vandíkadyanianga nkaja amu pakulota vapange milugu vyakummyaa ntumika wakwilimyanga áalakadile kwako, Yesu waumpakile mauta.

I Vakolintu 15:52

muwakati umo tu, kulola na kuunidya palilota kuma lipalapanda lyamwisho. Mwaa lipalapanda lindauma, vakupela vandavadyuwa kuva vákapela na wetu tundajaluwangigwa.

I Vakolintu 15:55

“Kupela gwe, kutema kwako ko kuvelé pashi? Kupela gwe, ishumu yako yo ivelé pashi?”

I Nshuwau 2:20

Mwenu napane munkuvanavo kupakigwa kumwe Wakwilimyanga na mwenu uti munkuvanavo limanyilo.

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Maono 20:13

Imanga indívajaula vakupela vapagwíte amo, Kupela na Kumoka kuvajaula vakupela vapagwíte kwanavo, uti avo vandyúkumigwa kula munu kulingana na vitendo vyake.

Maono 3:7

“Njelo waliganisha lya ku Piladelipiya mwandikile, ‘Ala ni malove amwe aijá Wakwilimyanga na Waumwiu, ávenavo myungulilo vimwe Daudi. Shaungula nae, hapali wakunga na shaungile nae, hapali wakuungula: