Vitendo 2:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Kanji napane jojo jo, Nnungu anindyuwa pakati pavakupela amposha mumauvilo akupela mwaa haishuulukika kupela kundingile.

Vitendo 2:24 ပူးပေါင်းရင်းမြစ်များ

Mateu 27:63

ndamwaulila kushidoni, “Nang'olo, wetu tunkukumbukila doni aijá munu nshwang'a àvele mumi ashishidoni, ‘Akapita maduva matatu, nangu ndadyuka.’

Nshuwau 10:18

Shingumi shangu sho, hapali wakungupoka; nangu ninkujaula nene nimwene. Ninkuvanavo madalaka akujaula na akupata kavili. Lilamulo ali ngupatilé kumwe Atata.”

Nshuwau 10:35

Ikava kenga avalá vapatíle ntenga wake Nnungu, andivashema kuva vannungu, napane Maandiko hapali wakuulula kuputanga,

Nshuwau 12:39

Ni mwaa au utadídye vanavo havanaulule kukulupila. Doni, Ishaiya anditangola kavili kushidoni,

Nshuwau 20:9

Napane vovo vo, ve vakanava kumanya Maandiko aashidoni, “Inímmaikila adyuke pakati pavakupela.”

Vitendo 1:16

“Mmanung'unumunu, Maandiko atangwele kala Imumu Wanashwe kwaindila imwe Daudi andivaikila awikile popo; Maandiko lo amwamba Yudashi, nannimya wakulangalalela shipinga shinkamwíle Yesu

Vitendo 13:30

kanji jojo jo, Nnungu anindyuwa pakati pavakupela.

Vitendo 13:37

kanji aijá wandyuwidye Nnungu pakati pavakupela, haundile.

Vitendo 17:31

mwaa Nnungu andipanga liduva lyakuukumu shilambo kwaishaliya kwaindila yamunu jumo wantandwele mwene. Ing'ano ai andilodya umwiu kwauti pakundyuwa munu ajo pakati pavakupela.”

Vitendo 2:32

Jo Yesu aju, Nnungu anindyuwa na wetu apa uti ni tuvashuda vashitendo asho.

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Vitendo 3:26

Nnungu pantakatuwidye ntumika wake, ampalakadidyé shitandi kwenu mwenu pakulota amwalaliye anshinjiula kula munu mushinamilo shake shakunyata.”

Vitendo 4:10

bai mwenu apa na mmanaishilaeli uti ikala mumanya kenga ni palina lyake Yesu Klistu wa ku Nashaleti wamunkamadile mwenu panshalaba kutwala Nnungu kundyuwa pakati pavanu vapadíle, kwadimongo dyake nae munu aju áimidile mushu mwenu andípata kupona.

Vitendo 5:30

Nnungu wavanakuluvetu anindyuwa Yesu, munu wamummyee mwenu kwaindila yakunkamela panshalaba.

Valoma 10:9

Mwaa ikava kenga wako undaang'ula kwaikanywa yako kenga Yesu ni Umu na undakulupila kwantima wako kenga Nnungu anindyuwa pakati pavakupela, undaambwalegwa.

Valoma 14:9

Kwaing'ano ai, Klistu andipela na andidyuka kwambangidya dashi, nae ave Umu ata ikava kwavakupela kwali kwavangumi.

Valoma 4:24

kanji ata kwaupande wetu wetu momo. Vandatuvalangilila wetu túnkulupila aijá ándyuwidye pakati pavakupela, Yesu Umu wetu.

Valoma 6:4

Napavedoni wetu tundishikigwa pamo namu nae kwaindila yaubatisho utuukanavo kukupela kwambangidya kenga mo mwavandyuwididye Klistu pakati pavakupela kwaindila yalishangelo lya Tatamunu, nawetu momo tuname mushingumi shaambi.

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

I Vakolintu 15:12

Mwenu, ikava kenga Klistu ankuvalangangigwa kudyuka mukupela, napane mwaa shani vanji pakati penu vankushidoni, hakupali kudyuka kwavakupela?

I Vakolintu 15:15

Kupunda apo, tundaaneka kuva tuvashuda vakushang'apa kwake Nnungu mwaa tunkumya ushuda kwaupande wake Nnungu kenga anindyuwa Klistu kumbe akandyuwidye ikava kenga vakupela havanadyuka.

I Vakolintu 15:20

Kanji napanelo Klistu mwiu andidyuka mukupela; jojo jo kuva shepo shitandi pakati pa avalá valéle.

I Vakolintu 15:4

doni, nae vaninshika; doni, nae vanindyuwa muliduva lyantatu kwodananavo Maandiko;

I Vakolintu 6:14

Napane Nnungu anindyuwa Umu kwadimongo dyake nawetu momo andatudyuwa kwadimongo dyake.

II Vakolintu 4:14

tumanya kenga aijá ándyuwidye Umu Yesu, andatudyuwa nawetu momo pamo namu nae kutwala kutuukanavo pamo namu mwenu pamevo pake.

Vagalata 1:1

Nangu Paulu, myombe kanji níkaalakadile kwavanu na ata i kwaindila yavanu ila kwaindila imwe Yesu Klistu pamo na Nnungu Atata ándyuwidye Yesu pakati pavakupela,

Vaepeshu 1:20

likadíle madengo nkati mumwe Klistu muwakati wandyuwidye pakati pavakupela na pantadidye kwikala kunkanakono kwake mumautu akuwa,

Vakoloshu 2:12

pamuukile ndashikigwa namu nae muubatisho, wo wamuukile ndadyuka namu nae kwaindila yalikulupililo mushimadengo shadimongo shake Nnungu ándyuwidye pakati pavakupela.

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

Vabalaniya 13:20

Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.