Vitendo 2:22 - Ibibiliya mu Shimakonde Imbodi Yaambi na dimbande dya Imbodi Yakala

²² Patulu kutwala kuka mushu aashidoni, “Mmanaishilaeli ngwigwa! Yesu nnashaleti, munu áakikishigwe pamevo penu kwavyamakango, vyakutikinikanga na vimanyikilo vyatandile Nnungu kwenu mwenu kwaindila yake nae kwodananavo mwamumanyilile mwemwe mmene,

Vitendo 2:22 ပူးပေါင်းရင်းမြစ်များ

Mateu 12:28

Napane ikava kenga ninkukumulanga majini kwaindila ya Imumu wake Nnungu, bai manya doni utawala wa Nnungu mwenu po, undimwikila.

Mateu 2:23

ndaikala panjini umo wavashema Nashaleti pakulota liwikile popo lilove litangaléke kwaindila yavakulava doni, “Vananshema kuva Nnashaleti.”

Mateu 9:8

Bai imbumba yavanu paigwene shitendo asho vandíjopa namene kutwala kumupa lishangelo Nnungu ávapele vanu madalaka ainamuna ai.

Lukashi 11:20

Kanji ikava kenga nangu ninkukumulanga majini kwadimongo dyake Nnungu, bai utawala wa Nnungu unimpata bai.

Lukashi 18:37

kutwala vanu kumwaulila doni, “Yesu wa ku Nashaleti ankupita.”

Lukashi 24:18

Kutwala munu jumo pakati pave walina Kalaupashi kushidoni, “Da wako po ni unjeni gweka yako ku Yelusalemu akuno úkamanya vipitíle mumaduva matatu ala?”

Nshuwau 1:45

Jo Pilipo jo ankunkodya Nataniyele ankumwaulila doni, “Tunimpata munu wamwandike Musha mu Lilamulo na yadavo Vakulava, Yesu wa ku Nashaleti, mwanagwe Yoshe.”

Nshuwau 10:37

Ikava kenga nangu hangunatandedya shinu vinu vimwe Atata bai hamunangukulupile

Nshuwau 11:47

Vanang'olo vavakulangalalela-shadaka pamo na mapalishayo vandíikala nguguvale kutwala kushido, “Na wetu apa shipali shatwamba? Munu aju ankulodya vimanyikilo vyoe namene.

Nshuwau 12:17

Napanelo imbumba ye ipagwíte namu Yesu muwakati wanshamíle Lashalu mushonga na kundyuwa pakati pavakupela, indyúka mushu yumya ushuda.

Nshuwau 15:24

Leka ndikatandile vinu vyakanava kutenda munu woewoe pakati pave, vakanavenavo madambi. Kanji napane vanavo vandyona kutwala kunguvangedya nangu namomo kummangedya Atata.

Nshuwau 19:19

Napanelo Pilatu kwandika malove mulibau kuka ndakamela panshalaba; malove alo aandike doni, “Yesu Nnashaleti, Umu Wavayuda.”

Nshuwau 3:2

Munu aju andímuukila Yesu shilo ndamwaulila doni, “Labi, wetu tundimanya shana kenga wako apa walakadilé kwa Nnungu, gwegwe umwalimu. Vimanyikilo vyautenda wako avi, hapali munu wakuulula kutenda bila Nnungu kupagwa pepi-pepi namu nae.”

Nshuwau 4:48

Yesu kutwala kushidoni, “Yani mwenu apa mukanona vimanyikilo na vyakutikinikanga mwiko hamunakulupila.”

Nshuwau 5:36

Kanji napane ushuda wangu nangu unkupunda aulá umwe Nshuwau mwaa madengo angupele Atata ngumalile, madengo ala angutenda ankunguvalanganga kenga nditumigwa namu Atata.

Nshuwau 6:14

Napanelo vanu pavagwene shimanyikilo shatandile Yesu vandítangola kushidoni, “Aju mwiu ni jo nkúlava watushinnindila aide mushilambo.”

Nshuwau 6:27

Hamunakole madengo kwamwaa washakulya shúnda kanji kola kwamwaa washakulya shipágwa mukwing'a shingumi shíkamalilika. Shakulya asho Mwana Wamunu andamupa mwaa jojo jo, Nnungu Atata anintaa namakong'o.”

Nshuwau 7:31

Ata ivé davo, vanu voe pakati paimbumba vanínkulupila vaashidoni, “Da na Klistu palota kwida po, andalodya vimanyikilo vinji vyakupunda vyatenda aju avi?”

Nshuwau 9:33

Aju leka àkaalakadile kwa Nnungu hanaulule kutenda ata shidikidiki nyenda.”

Vitendo 13:16

Paulu kutakatuka kuvamaladyanga na makono kutwala kushidoni, “Mmanaishilaeli pamo na mmanji múnjopa Nnungu, ngwigwa!

Vitendo 14:27

Pavawikile, vandíshema liganisha kutwala kuvalanganga vyatandile Nnungu kwaindila yavanavo na mwavapalalele litala vamidi pakulota vavenavo likulupililo.

Vitendo 2:19

Kuwa kumaundi ndalodya vyakutikinikanga, mushilambo shapai ndalodya vimanyikilo, vindaaneka myadi, moto na lyoi lyakutita dimumu.

Vitendo 2:43

Bai vishindatandeka vyakutikinikanga na vimanyikilo kwaindila yavamyombe, nadoni mmitima vyavanu uti mushindapagwa kujopa.

Vitendo 21:28

vajunga vaashidoni, “Mmanaishilaeli, tupwashela! Munu aju ni jojo ápita avapundisha vanu uti kula kushinu vavavangedye vanaishilaeli; ankupundisha vapinge Lilamulo na vailudyange lyutu ali. Na hainatoshe avatwete vamidi kuvainjidya mwing'ande ya Nnungu nadoni anditaa ushapu lyutu ali lyakwilimyanga.”

Vitendo 22:8

Nangu kudya, ‘Da wako nang'olo unyani?’ Nae kushidoni, ‘Nangu Yesu munashaleti, jo waumpapata wako jo.’

Vitendo 24:5

Tundyanalela kenga munu aju ni nantindingania wakujowa namene áidanavo shititimbu na kupwatananga pakati pavayuda mushilambo uti. Jojo aju ni nanangalaledi nkumene waishama yavanashaleti.

Vitendo 26:26

Apa apali umu Agilipa ámanyite shana vinu vyene uti; ni ashi shingutádya nangu ngutangole na kulitamanga pamevo pake mwaa ninkuvanavo wakika kenga pakati pavinu avi uti hashipali ata shimo shimpundíle na hashipali ata shimo shitandéke shipiipii.

Vitendo 26:9

Ata nangu momo nishindakumbukila kutumila dindila dyoedyoe divaikidíle pakulota ngutimbange ntenga umwe Yesu, munu wa ku Nashaleti.

Vitendo 3:12

Patulu pagwene davo, andívaulila vanu avo kushidoni, “Mmanaishilaeli! Mwaa shani munkushanga shitendo ashi na mwaa shani munkutulola namene? Da mwona kenga munu aju tumwanaidyé kwadimongo dyetu wetu kwali kwaunnungu wetu wetu tuvene?

Vitendo 3:6

Kanji Patulu kushidoni, “Hanguve njuluku kanji sho shanguvenavo sho ndakupa; palina limwe Yesu Klistu wa ku Nashaleti, takatuka uwene!”

Vitendo 4:10

bai mwenu apa na mmanaishilaeli uti ikala mumanya kenga ni palina lyake Yesu Klistu wa ku Nashaleti wamunkamadile mwenu panshalaba kutwala Nnungu kundyuwa pakati pavanu vapadíle, kwadimongo dyake nae munu aju áimidile mushu mwenu andípata kupona.

Vitendo 5:35

kutwala kushidoni, “Mmanaishilaeli! Lilaledye na vitendo vyamulota kuvatenda vanu ava.

Vitendo 6:14

Wetu tundimwigwa atangola kenga ashii Yesu wa ku Nashaleti andabamola lyutu ali na kupindikulanga yadi yatulakadile Musha.”

II Vakolintu 12:12

Kanji namwiu vimanyikilo vyaumyombe vinditandeka ngala pakati penu nkati mukulipililila uti, kwavimanyikilo, kwavyakutikinikanga na kwavyamakango.

Vabalaniya 2:4

akuno Nnungu aumya ushuda kwaindila yavimanyikilo, vyakutikinikanga na vyamakango vyoe pamo na vyajo vya Imumu Wanashwe vyajavile kulingananavo malotelo ake.