Vitendo 2:2 - Ibibiliya mu Shimakonde Imbodi Yaambi na dimbande dya Imbodi Yakala

² Kwashingangala, kuwa kwaloka lidi lyakuuluta kenga kupunga kwaimepo yadimongo kutwala kwanela uti nng'ande mwavaikalénge.

Vitendo 2:2 ပူးပေါင်းရင်းမြစ်များ

Lukashi 2:13

Kwashingangala kwanakenneu imbumba yavakuwa ìlyunganienge namu njelo jo vantumbyanga Nnungu kushidoni,

Nshuwau 3:8

Imepo indápunga palyutu lyoelyoe lyailota yene; wako kwigwa kunyonya kwake kanji haunamanya kwaipandukanga na kwayenda. Nimumo momo kwakula munu ávalekwa kwa Imumu.”

Vitendo 2:3

Kutwala apo, vindyáneka vinu mwadindimi dyamoto dyakujavanikana na kula shinu shìtulidile pamuti pakula munu

Vitendo 2:6

Kuuluta akulá kukaigwinike, imbumba yavanu indíkadyania kutwala vovo vo kushanga mwaa kula munu vanu avo ashivaigwa vatangola mwinangodi yake mwene.

Vitendo 4:31

Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.