Vitendo 19:3 - Ibibiliya mu Shimakonde Imbodi Yaambi na dimbande dya Imbodi Yakala

³ Nae kuvaudya kavili, “Kanji napane mupatilé ubatisho shani?” Vanavo, “Tupatilé ubatisho umwe Nshuwau.”

Vitendo 19:3 ပူးပေါင်းရင်းမြစ်များ

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Lukashi 7:29

Vanu uti na ata vakukatisha-ukodi vamwigwilidíle Nshuwau, vandímupa ishaliya Nnungu mwaa wakuvapa ubatisho Nshuwau

Vitendo 18:25

Munu aju andípundishigwa shana mwindila yake Umu na atangola na ntima wake uti ashindapundisha pakakowa shinu avalanganga vimwámba Yesu ata ikava kenga amanyite vila ubatisho umwe Nshuwau.

Vitendo 8:16

mwaa Imumu Wanashwe avele akanava kunshulukila munu ata jumo pakati pave ila vandípata ubatisho palina limwe Umu Yesu.

I Vakolintu 12:13

Mwaa mu Imumu jumo tundibatishwa nkati mumili umo, vayuda kwali vamidi, vatumwa kwali vamuunaiti, na uti wetu tundyuka nankumbila Imumu jumo.

Vabalaniya 6:2

mapundisho aubatisho, akuvavikila vanu makono, akudyuka kwavakupela na aukumu íkamalilika.