Vitendo 19:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Mwenu munkwona na munkwigwa shana vinu vyapita atenda munu wavanshema Paulu akuno ku Epeshu na mpaka Ashiya yene ai uti. Nae andívashomba na andivashinjiulanga vanu atangola doni, ‘Vannungu vakuvakandyanga vanu vene havanava shinu vannungu vaiu.’

Vitendo 19:26 ပူးပေါင်းရင်းမြစ်များ

Vitendo 14:15

vaashidoni, “Mwenu, mwaa shani munkutenda davo? Wetu apa, tuvanu túumbigwe kenga mwenu; apa wetu twidilé nammalangangila ntenga wambone pakulota muleke vinu vyamambinya avi, mushinjiulile mitima vyenu kwa Nnungu mumi ákandyenge kuwa na pai, imanga na vinu uti vipagwíte mumautu alo.

Vitendo 17:29

“Napanelo ikava kenga wetu ni udukulu wake Nnungu, haivaikidile tukumbukile kenga unnungu unkulinganana na lishinamu lyashaabu, lyashitali shavanakandyanga dyela kwali lyalijanga lyavadile munu kwamakumbukililo na ulanda wake mwene.

Vitendo 18:19

Pavawikile pa Epeshu, nae andívaleka kutwala kuka ndainjila mushitala shakulipudidya ndataukananganavo vayuda.

Vitendo 19:1

Napanelo Apolu àvele pa Kolintu, Paulu andyámbwakanga mashinga kutwala kwalalela pa Epeshu. Popo po andívakodya vakwoda,

Vitendo 19:10

Bai shimadengo asho Paulu andítenda muvyaka vivili mpaka vanu uti valijimbo lya Ashiya, vayuda namu vamidi kwigwa lilove lyake Umu.

Vitendo 19:25

andívashema vamadengo vake pamo na vanji vashimadengo shosho kuvaulila doni, “Mmavangu, mwenu munkumanya kenga mali etu ankwalakela mushimadengo ashi.

I Vakolintu 12:2

Mundimanya shana kenga pamukashimmanya Nnungu vandimwashadyanga kwavakushang'apa vabubu, mwavantwalidile mo hangumanyite.

I Vakolintu 8:4

Napavedoni kwaing'ano yavyakulya vyavavaumidya vannungu vakushang'apa, tundimanya kenga “nnungu wakushang'apa mushilambo amu hapali,” na “hapali nnungu pakava jumo tu bai.”

Vagalata 4:8

Mwiu, pamukashimmanya Nnungu, mushitandegwa vatumwa va avalá kwamavalelo havanava shinu vannungu

I Vateshalonika 1:9

mwaa vo vene vankuvalanganga mwashi mwamutupwashaladile na mwashi mwamunshinjiulidile Nnungu muleka kulipudya kwavannungu vakushang'apa pakulota muntumike Nnungu mumi na wiu

Maono 9:20

Avalá vákapadile muvyaushanga avyo, havalijugulénge ata padyoko vela yakulipudya kwamajini na kwavinu vyavakandyenge vo vene yani mashinamu ashaabu, alyava, ankuva, amajanga pamo na amilandi, ákaulula kulola, kwigwa na ata kuwena.