Vitendo 19:22 - Ibibiliya mu Shimakonde Imbodi Yaambi na dimbande dya Imbodi Yakala

²² Napavedoni andívatuma vatumikamwagwe yani Timoti namu Elashitu vauke ku Makedoniya kutwala nae kwikala padyoko ku Ashiya.

Vitendo 19:22 ပူးပေါင်းရင်းမြစ်များ

Vitendo 13:5

Pavawikile pa Salamishi, vandívalanganga lilove lya Nnungu muvitala vyamikodyanio vyavayuda na Nshuwau Malukushi avele nkúpwashela wave.

Vitendo 16:1

Nae andyúka mushu na shimwanda shake mpaka pa Delebe na pa Lishitala; napanelo palyutu alyo ashindanama nkwóda jumo walina Timoti; anyoke avele nkúkulupila walikola lyashiyuda kanji tatake avele mugalegu.

Vitendo 16:3

Paulu inínnagwela antwale ave wakumpalakela. Akantwale nae anínkumula likumbi mwaa vayuda váshiikala ako vandímanya doni tatake Timoti avele mugalegu.

Vitendo 18:5

Napanelo Shilashi namu Timoti pavawikile vaalakela ku Makedoniya, Paulu ashindabanigwa kwalilove aumya ushuda kwavayuda kenga Klistu ni Yesu.

Vitendo 19:10

Bai shimadengo asho Paulu andítenda muvyaka vivili mpaka vanu uti valijimbo lya Ashiya, vayuda namu vamidi kwigwa lilove lyake Umu.

Vitendo 19:21

Ling'oto lyavinu avyo, Paulu alangalalegwa na Imumu Wanashwe andyámuwa kuka ku Yelusalemu apitila ku Makedoniya na ku Akaya aashidoni, “Panguwika ku Yelusalemu nikaikalanga, ininguvaikila momo nguke ndikawike ku Loma.”

Vitendo 19:29

Muwakati ungwipi likaja uti lindíinjila mpulugu; venentete vanínkamula Gayu namu Alishitaliku vanu va ku Makedoniya váshipita vawena shalumo namu Paulu kupita vavautanga vavaukanavo kushiwanja shamishesho.

Vitendo 20:1

Napanelo shititimbu ashilá shìmalilikenge, Paulu andívashema vakwoda kuvanonowanga kutwala kulilaila kuka ku Makedoniya.

Vitendo 20:34

Shasho! Mundimanya mwe, kenga makono lolo ala andikola madengo pakulota ngulyangangole nimwene na nivaangangole vavangu momo.

Valoma 16:23

Gayu mwene ing'ande yangupagwa na palikadyanianga liganisha, ankuntumidya nandele, namomo Elashitu nkondya-njuluku wapanjini au pamo namu nung'unumunu Kwatulu.

II Vakolintu 1:16

Doni, ngupite ninnola nguka ku Makedoniya kutwala panguma apo, nguujile kwenu mwenu, mwenu mungutumidye ku Yudeya.

II Vakolintu 11:9

Nangu pangupagwíte namu mwenu vingwova vinu, hapali wanintikile ligogo mwaa vanung'unumunu vaalakadíle ku Makedoniya vanavo vaníngupa avilá víshingwova nadoni ndilishunga pakulota hangunantike ligogo mwenu na ndauka mushu ngulishunga yadavo.

II Vakolintu 2:13

muntima mwangu hanguvenavo unaiti mwaa palyutu alyo, haninkodídye nung'unumunu Titu. Nadoni ndikavalaila vanavo kutwala kuka ku Makedoniya.

II Vakolintu 8:1

Tunkummanyiya napane mmanung'unumunu umonyo umwe Nnungu upatikanénge mumaganisha a ku Makedoniya.

II Vakolintu 8:19

I gweka asho kanji namomo anditandalegwa na maganisha pakulota atupalakele patukola shimadengo ashi shaumonyo shatutumikila kwalishangelo lyake jo mwene Umu na kwambangidya kulodya malotelo etu ambone.

I Vateshalonika 1:8

Mwaa kutunduvangila kwenu mwenu lilove limwe Umu lindilipuka ku Makedoniya namu ku Akaya i gweka avi kanji likulupililo lyenu kumwe Nnungu lindyandavala mudisemu uti. Nadoni hashipali shakuvalanganga

II Timoti 4:20

Elashitu andiikala ku Kolintu kanji Tolopimu ninneka àvele nnwele ku Miletu.