Vitendo 19:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Napanelo vayuda vanji váshipita valaula majini aukalau, muliduva limo vandílingangila kukumulanga majini mumili vyavanu vatambulanga lina limwe Umu Yesu vaashidoni, “Palina limwe Yesu wanammalanganga Paulu, nangu ninkunnamulila, uumananga!”

Vitendo 19:13 ပူးပေါင်းရင်းမြစ်များ

Mateu 12:27

Ikava kenga nangu ninkukumulanga majini kwaindila imwe Beelishebuli, kushi vadyoko venu vakumulanga kwaindila imwe nyani? Bai vovo vandava vakuukumu venu.

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Malukushi 5:7

kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Malukushi 9:38

Napanelo Nshuwau andítangola kushidoni, “Mwalimu, tungwené munu akumulanga majini palina lyako, wetu kunneya mwaa nae hashitwoda wetu.”

Lukashi 11:19

Kanji napane ikava kenga nangu ninkukumulanga majini kwalilamulo limwe Beelishebuli, kushi vakwoda venu vankukumulanga kwalilamulo limwe nyani? Ikava davo mwenu vovo vo, vandava vakuukumu venu.

Lukashi 9:49

Nshuwau kushidoni, “Mwalimu! Tundimwona munu áshivinganga majini palina lyako, wetu kunneya mwaa nae havéle mushipinga shetu shikwóda wako.”

Vitendo 19:14

Pakati pavanu vene váshitenda vinu avyo vandípagwa vana saba vamwe muyuda jumo walina Shikeva nkúlangalalela-shadaka nkumene.

II Vakolintu 11:4

Mwaa ikava kenga andaaloka munu junji nammalangangila mwenu Yesu junji watukammalangénge wetu, kwali ikava kenga mundapwashalela imumu inji yamukapwashaladíle, kwali ntenga wambone unji wamukapwashaladíle, mwenu uti avi munkulipililila shana!