Vitendo 18:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Bai jojo jo, andítunduvanga kutangola pakajugulanga shinu pashitala shakulipudidya. Pilishila namu Akila vakamwigwe mwashitangalela, vaníntwala kumuukanavo kukaja kwave kuka nammalangangila kwankati indila yake Nnungu.

Vitendo 18:26 ပူးပေါင်းရင်းမြစ်များ

Malukushi 10:15

Ninkumwaulila mwiu doni, aijá ákapwashalela utawala wa Nnungu kenga ndyoko, ajo mwiko hainjila shinu muutawala awo.”

Lukashi 19:26

Nae kushidoni, ‘Ninkumwaulila doni, munu ávenavo vanamwanjadyedya kanji ákavenavo ata sho shavénavo padyoko sho, vanampoka.

Lukashi 24:27

Bai nae mumaandiko uti andíviigwiniya kutunduvangila kumwe Musha na kwavakulava vinu vimwámba nae.

Nshuwau 7:17

Munu woewoe akalota kutandedya malotelo ake jo mwene, andamanya kenga mapundisho ala, a Nnungu kwali ninkutangola yangu nimwene.

Vitendo 14:3

Napavedoni vandíikala maduva oe namene pa Ikoniu vammalanganga Umu pavakajugulanga shinu na Umu nae ashindaing'a ushuda kwalilove lyaumonyo wake kwaindila yakuvapa dimongo dyakutandela vimanyikilo na vyakutikinikanga.

Vitendo 18:18

Napanelo Paulu andíikala maduva oe pa Kolintu. Kutwala apo, andívalaila vanung'unumunu kuka ku Kenkeleya akakwele mwingalava auke ku Shiliya namu Pilishila pamo namu Akila. Kanji pa Kenkeleya, andíbubula ugwimbu wake mwaa andílivikila kwa Nnungu.

Vitendo 18:25

Munu aju andípundishigwa shana mwindila yake Umu na atangola na ntima wake uti ashindapundisha pakakowa shinu avalanganga vimwámba Yesu ata ikava kenga amanyite vila ubatisho umwe Nshuwau.

Vitendo 19:8

Paulu muwakati wamyedi mitatu, ashindauka kushitala shakulipudidya aombanga myaa na avashomba pakajugulanga shinu kwamwaa wautawala wa Nnungu.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Vitendo 8:31

Mwitiyope kushidoni, “Ngulota kumanya dashi akapali munu ánguvalangangila?” Bai nae apalá anínjugwangila Pilipo akwele mulingishi vaikale pamo.

I Vakolintu 12:21

Liu halyulula kumwaulila nkono doni, “Wako handikutamwa,” na kavili muti haulula kwaulila madodo doni, “Mwenu hanintamwa!”

I Vakolintu 3:18

Hamunaliduwange, munu woewoe pakati penu akalyona kuva walimanyilo lyawakati au, inimmaikila alitende kuva njinga pakulota ave walimanyilo.

I Vakolintu 8:2

Aijá ákumbukila doni ankumanya shinu, mpaka ambi hanava kumanya mwashi muvaikidíle amanye.

Vabalaniya 6:1

Napavedoni tuleke mapundisho akutunduvanga kwamwaa umwe Klistu na tuke mushu nkati mukukulumuka kwabila kudenga kavili shitunduvangilo yani, kulijugulanga kwavitendo vyakupela, likulupililo kwa Nnungu,

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.