Vitendo 17:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Bai vayuda vanji vandishambegwa kutwala kulyunganianga namu Paulu namu Shilashi; namomo indílyunganianga imbumba yavagalegu váshilipudya kwa Nnungu pamo na vakongwe voe vakwishimika.

Vitendo 17:4 ပူးပေါင်းရင်းမြစ်များ

Nshuwau 7:35

Venentete kutwala kuudyania shivenevene, “Da munu aju alota kuka kwashi kwatukalota wetu kumpata ko? Alota kuka kwavayuda vavé kwavamidi ndavapundisha vamidi?

Vitendo 13:43

Kutwala nkodyanio paumalilike, vayuda voe pamo na vanu valiinjidyénge vandímwoda Paulu namu Balinaba váshitangola na vanavo vavashomba pakulota vauke mushu muumonyo wake Nnungu.

Vitendo 13:50

Kanji vayuda vandívatumbilikanga vanang'olo pamo na vakongwe vakulipudya na vakwishimika vapalikaja alyo kutwala vanavo kutunduvanga kuvapapata vapaulu na vandívavinganga mulilanga alyo.

Vitendo 14:1

Napanelo pa Ikoniu Paulu namu Balinaba vandíinjila mushitala shakulipudidya shavayuda na kwainamuna yavatangwele, imbumba yavayuda na yavagalegu indíkulupila.

Vitendo 14:4

Nadoni vanu vankaja amo vandíjavanikana; kupagwa shipinga shavayuda na kupagwa shipinga shaupande wavamyombe.

Vitendo 15:22

Bai vamyombe, vanang'olo pamo na liganisha uti vandyámuwa kuvatandola vanu pakati pave vampalakele Paulu namu Balinaba ku Antiyokiya. Nadoni vandívatandola vananangalaledi ava pakati pavanung'unumunu: Yudashi áshimanyika kwalina lya Balishabashi namu Shilashi

Vitendo 15:27

Napavedoni tunintumidya Yudashi namu Shilashi vaide vammalangangile malove ankanywa kwa avilá vyatwandike.

Vitendo 15:32

kutwala Yudashi namu Shilashi vo vene vàvele vakulava momo, vandítangola namene vavapa ntima shii na vavanonowanga vanung'unumunu.

Vitendo 15:40

Paulu kanji kuntwala Shilashi kuka ling'oto lyavanung'unumunu kunkamudya kwaumonyo umwe Umu

Vitendo 16:3

Paulu inínnagwela antwale ave wakumpalakela. Akantwale nae anínkumula likumbi mwaa vayuda váshiikala ako vandímanya doni tatake Timoti avele mugalegu.

Vitendo 17:10

Palidimbile liduva vanung'unumunu vaníntwalinneu Paulu namu Shilashi kuvaukanavo ku Beleya. Pavawikile ako vandyúka kushitala shakulipudidya shavayuda.

Vitendo 17:12

Nadoni voe pakati pave vandíkulupila namomo pakati pavagalegu vakongwe vakwishimika na valume voe.

Vitendo 17:14

Muwakati wowo vanung'unumunnu vandímwaulila na vanímpanganiangidyanneu Paulu auke nanyenje imanga kanji Shilashi namu Timoti vandíikala mo nkaja mu Baleya.

Vitendo 17:17

Napavedoni nae ashindataukananganavo vayuda na vanu vanji vakunjopa Nnungu mushitala shave shakulipudidya na kutaukananga na vanu vanji váshipita pashiwanja shamikodyanio.

Vitendo 17:34

Kanji vanji vakalyunganiange namu nae, vandíkulupila: pakati pave, Dionishiu washipinga shavaliyopagu, nkongwe jumo walina Damalishi na vanu vanji.

Vitendo 18:4

Kula liduva lyakupumula Paulu ashindatangola muvitala vyamikodyanio alota avashombe vayuda pamo na vagalegu.

Vitendo 19:10

Bai shimadengo asho Paulu andítenda muvyaka vivili mpaka vanu uti valijimbo lya Ashiya, vayuda namu vamidi kwigwa lilove lyake Umu.

Vitendo 2:44

Napanelo uti avalá váshikulupila shavo shishiva shimo na vinu uti vishiva vyaupamo;

Vitendo 21:28

vajunga vaashidoni, “Mmanaishilaeli, tupwashela! Munu aju ni jojo ápita avapundisha vanu uti kula kushinu vavavangedye vanaishilaeli; ankupundisha vapinge Lilamulo na vailudyange lyutu ali. Na hainatoshe avatwete vamidi kuvainjidya mwing'ande ya Nnungu nadoni anditaa ushapu lyutu ali lyakwilimyanga.”

Vitendo 28:24

Vanji napane vandívashambegwa na ashilá shitangaléke kanji vanji havakulupidíle.

Vitendo 4:23

Napanelo pavaukile ndaunguligwa, vandyúka kwavavave ndavavalangangila vyavavatangaladile vanang'olo vavakulangalalela-shadaka pamo na vanang'olo.

II Vakolintu 8:5

Namomo havatandile gweka vyatushilindila wetu kanji shitandi vandilyumya vo vene kumwe Umu kutwala kulyumya kwetu wetu kwamalotelo ake Nnungu.