Vitendo 17:32 - Ibibiliya mu Shimakonde Imbodi Yaambi na dimbande dya Imbodi Yakala

³² Napanelo vanavo pavamwigwite Paulu atangola ing'ano yakudyuka kwavakupela, vanji vandímwiludyanga kutwala vanji kushidoni, “Ing'ano ai tundakwigwilila kavili muwakati unji.”

Vitendo 17:32 ပူးပေါင်းရင်းမြစ်များ

Lukashi 14:18

Vanavo kula munu kutangola shake. Ntandi aju kushidoni, ‘Nangu ndishuma inundu ngulota nguke ndikalole; ninkujugwa samani!’

Lukashi 22:63

Napanelo vanu váshinnaledya Yesu vaníntukana, vanínkanyola

Lukashi 23:11

Bai Elode pamo na vaing'ondo vake vaníntanila na vandímwiludyanga, kungwadya ikanju yashiumu kutwala kumuujidya kumwe Pilatu.

Lukashi 23:36

Namomo vaing'ondo vashinammandika vantanila vatwala ugwalwa vamupa

Vitendo 13:41

“ ‘Ngwigwa mwenu mmadyeluelu! Shanga na jaikangila kushu ko! Mwaa shinu shangutenda muwakati wenu ashi, ata munu akammalangangila shana hamukulupila.’ ”

Vitendo 17:18

Napanelo vakumanya vanji vaepikuli na vaestoiku vashindomba mwaa namu Paulu kutwala vanji kushidoni, “Munu álambukanga mwanambwe aju aamba nyamani?” Kutwala vanji kavili kushidoni, “Aju twona kenga avavalanganga vannungu vavilambo vinji.” Vandítangola davo mwaa Paulu ashimmalanganga Yesu na kuvalanganga kudyuka kwavakupela.

Vitendo 17:31

mwaa Nnungu andipanga liduva lyakuukumu shilambo kwaishaliya kwaindila yamunu jumo wantandwele mwene. Ing'ano ai andilodya umwiu kwauti pakundyuwa munu ajo pakati pavakupela.”

Vitendo 17:33

Napavedoni Paulu andílyumadyanga pakati pave.

Vitendo 2:13

Vanji pakati pave kuvakajola vaashidoni, “Vandyambalwanga ugwalwa avo.”

Vitendo 24:25

Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Vitendo 25:19

Ila ing'ano yave ing'umene íshivavilinganianga ivele yaidini yave na ing'ano yamunu jumo ápadile wavanshema Yesu kanji Paulu jojo jo, ankummalanganga kenga mumi.

Vitendo 26:8

Mwaa shani mwenu munkwona kenga Nnungu kuvadyuwa vakupela ni shinu shíkaululika kukulupila?

I Vakolintu 1:23

kanji napane wetu tunkummalanganga Klistu wakukamalalegwa panshalaba, kwavayuda kuva shakulikuvala na kwavamidi kuva ujinga,

I Vakolintu 15:12

Mwenu, ikava kenga Klistu ankuvalangangigwa kudyuka mukupela, napane mwaa shani vanji pakati penu vankushidoni, hakupali kudyuka kwavakupela?

I Vakolintu 4:10

Wetu tuvajinga kwamwaa umwe Klistu kanji mwenu ni mmalimanyilo nkati mumwe Klistu! Wetu ni tuvakudabadabanga kanji mwenu ni mmadimongo! Mwenu ni mmakwishimika kanji wetu ni tuvakwiludyangika!

II Vakolintu 6:2

Mwaa nae atédoni, “Nangu ndikwigwa muwakati uvaikidíle, ndikupwashela muliduva lyakwambola.” Mwenu, au ni wakati uvaikidíle. Mwenu, ali ni liduva lyakwambola.

Vabalaniya 11:36

Vanji vo, vashindaliuligwa na kushapigwa viboko, vanji kavili vandívaunga mang'unyang'unya na kuvajela mudikalaboshi

Vabalaniya 13:13

Napavedoni, leka tumuukile po panda likambi po, tulipililila dyoni dyake dyalipililidile nae.