Vitendo 17:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ kwambangidya vannambele Nnungu; nakapanji vanampamangapamanga na kumwona ata ikava kenga nae havele kushu na kula munu pakati petu.

Vitendo 17:27 ပူးပေါင်းရင်းမြစ်များ

Vitendo 14:17

Kanji ata ikave davo, nae ngwengwe halakíle kulilodya kwavanavo; andilodya wambone wake kwaindila yakuntanyela imbula yakuwa, kumupa mapuno muwakati wake, kumupa shakulya shoe shamwikuta na kumuumbadya lipuwilo mmitima vyenu.”

Vitendo 15:17

kwambangidya vakwijalila pakati pavanu na vamidi vashamagwídye kwalina lyangu vannambele Umu, malove ala atangola Umu

Valoma 1:20

Doni, tangu kukandyangigwa shilambo mavalelo ake ákaaneka yani dimongo dyake díkamalilika na unnungu wake, vyanavo vyaneke ngala kwaindila ya vyo vinu vikandyangígwe. Naivedoni, kwavanavo hamupali mwakukanila.

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?