Vitendo 17:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Vakapite pa Ampipolishi namu pa Apoloniya vandíwika pa Teshalonika; po pa Teshalonika po shindípagwa shitala shakulipudidya shavayuda.

Vitendo 17:1 ပူးပေါင်းရင်းမြစ်များ

Vitendo 14:1

Napanelo pa Ikoniu Paulu namu Balinaba vandíinjila mushitala shakulipudidya shavayuda na kwainamuna yavatangwele, imbumba yavayuda na yavagalegu indíkulupila.

Vitendo 15:21

Mwaa tangu kala lilamulo lyake Musha linkuvalangangigwa mmakaja uti na kula liduva lyakupumula linkushomegwa muvitala vyamikodyanio.”

Vitendo 16:13

Napanelo muliduva lyakupumula, wetu tundyúma palikaja po kuka kulundi kushinu kwatushona kenga tundapata lyutu lyakushwalidya; wetu kwikalanga kutwala kutunduvanga kutangonavo vakongwe vakadyaniénge mulyutu alyo.

Vitendo 17:10

Palidimbile liduva vanung'unumunu vaníntwalinneu Paulu namu Shilashi kuvaukanavo ku Beleya. Pavawikile ako vandyúka kushitala shakulipudidya shavayuda.

Vitendo 17:11

Kanji vayuda vankaja amo vavele vakuligwa kuvapunda va ku Teshalonika; vanavo vandípwashalela ntenga na ntima wave uti na kula liduva vashindalalyanga Maandiko pakulota vamanye kenga munkulinganana na amulá mwatangalela Paulu.

Vitendo 17:13

Kanji vayuda va ku Teshalonika vakamanye kenga Paulu ankuvalanganga lilove lya Nnungu pa Beleya momo, vandyúka koko ndavakang'ela venentete na kutaa upuju.

Vitendo 20:4

Mushimwanda asho andyódana namu Shopatulu wa ku Beleya mwanagwe Pilu, Alishitaliku namu Segundu vanu va ku Teshalonika, Gayu wa ku Delebe, Tikiku namu Tolopimo vanu va ku Ashiya namu Timoti.

Vitendo 27:2

Bai wetu tundíkwela mwingalava ya pa Adalamitiu ivéle tayali yuke kuviko vya ku Ashiya. Mushimwanda shosho tundípagwanavo Alishitaliku munu wa ku Teshalonika ya ku Makedoniya.

Vapilipo 4:16

Mwaa ata nguvé ku Teshalonika mwenu munditumidya lipwashalelo kwa avilá víshingwova na i mwanda umo.

I Vateshalonika 1:1

Paulu, Shilivanu namu Timoti kwaliganisha lyavateshalonika lìvele nkati mumwe Nnungu Tatamunu namu Umu Yesu Klistu. Umonyo upagwe kwenu mwenu pamo na amani.

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

II Vateshalonika 1:1

Paulu, Shilivanu namu Timoti, kwaliganisha lyavateshalonika lìvele nkati mumwe Nnungu Tatagwetu namu Umu Yesu Klistu.

II Timoti 4:10

Mwaa Demashi kwakunagwaledya wakati au, aningwambukanga kutwala kuka ku Teshalonika. Keleshete kuka ku Galata, Titu kuka ku Dalamashiya.