Vitendo 16:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Ling'oto lyankongwe ajo kupata ubatisho pamo na vapaing'ande pake, andítujugwangila aashidoni, “Ikava kenga mwenu munkungwona kenga nangu ninkúkulupila wake Umu, tuke mukaikale kwing'ande kwangu.” Bai nae andítuulula kutuukanavo kwing'ande kwake.

Vitendo 16:15 ပူးပေါင်းရင်းမြစ်များ

Mateu 10:41

Aijá ámpwashalela nkúlava kwamwaa wakuva nkúlava andapata inudyo kenga nkúlava. Namomo ámpwashalela munu waishaliya kwamwaa wakuva waishaliya andapata inudyo kenga waishaliya.

Mateu 3:6

Vanavo vashindabatishigwa namu nae mulundi lwa Yudani akuno valivalanganga madambi ave.

Lukashi 14:23

Nang'olo kumwaulila kavili ntumika wake kushidoni, ‘Wena mudibalabala na mudindila dyanyenje likaja upite uvakamulanga vanu uvaidenavo vaumbalanile

Lukashi 24:29

kanji vanavo vanínkanyilidya aikale vaashidoni, “Pagwa namu wetu popo apa mwaa liduva lindishwa.” Bai Yesu andíinjila nkaja kutwala kwikanavo.

Vitendo 11:14

Nae andakuvalangangila ntenga ulóta kukutadya wako pamo na vanu uti vapaing'ande pako mwambolegwe.’

Vitendo 16:31

Vanavo kushidoni, “Nkulupile Umu Yesu, undaambwalegwa, wako pamo na ing'ande yako.”

Vitendo 16:33

Mwisaa yoyo nae andívatwalinneu kuvaukanavo ndavaukanga vilonda na muwakati wowo andíbatishwa pamo na vanu vake uti.

Vitendo 16:34

Akabatishwe, andívatwalinneu vapaulu kuvaukanavo kwing'ande kwake ndavapa shakulya. Bai nae andípuwanga namene pamo na vapaing'ande pake uti mwaa wakunkulupila Nnungu.

Vitendo 18:8

Napane Klishipu nanangalaledi wapashitala shakulipudidya anínkulupila Umu pamo na vanu uti vapaing'ande pake. Namomo vakolintu voe vakaigwe vyashitangola, vandíkulupila na vandípata ubatisho.

Vitendo 8:12

Kanji Pilipo pavalangenge ntenga wambone wautawala wa Nnungu na yalina limwe Yesu Klistu, valume na vakongwe vashindapata ubatisho.

Vitendo 8:38

Mwitiyope andílamulila kwimidya lingishi alilá, Pilipo namu nae kushulukanga kuukananga mmedi Pilipo kutwala kumbatisha.

Valoma 16:23

Gayu mwene ing'ande yangupagwa na palikadyanianga liganisha, ankuntumidya nandele, namomo Elashitu nkondya-njuluku wapanjini au pamo namu nung'unumunu Kwatulu.

II Vakolintu 12:11

Ndilitenda kuva ninjinga kanji mwenu ni múnguungidile. Mwaa mwenu ni múkangutumbyenge nangu pakuva hangunava shinu nindikidiki kwavamyombe vakumene avalá ata ikava kenga nangu hangunava shinu.

II Vakolintu 5:14

Mwaa linagwaledyo limwe Klistu linkututawala mwaa tundiwikila pamwisho kenga jumo andipela kwamwaa wavanu uti, nadoni uti vandipela.

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

Vaepeshu 1:1

Paulu, myombe umwe Klistu Yesu kwalilotelo lyake Nnungu kwavakwilimyanga vapágwa ako ku Epeshu, vo vakukulupilika nkati mumwe Klistu Yesu.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Pilemoni 1:17

Nadoni ikava kenga unkunguvalangilila kuva nkúmajanangamwavo, mpwashalele kenga mukangupwashaladíle nangu.

Vabalaniya 13:2

Hamunaleke yakuvatanana vajeni mwaa kwakutenda davo vanji kwabila kumanya vandivatanana vanjelo.

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

II Nshuwau 1:10

Ikava kenga munu wantindo au andaida kwenu pakaidanavo mapundisho ala, hamunampwashalele muding'ande dyenu na ata hamunamuudyange

III Nshuwau 1:5

Wakunagwaleka, ni shinu shakukulupilika shauvatandela vanung'unumunu kupunda namene avalá vaukavamanyite.

III Nshuwau 1:8

Napavedoni indivaikila tuvapwashalele vanung'unumunu kenga ava pakulota tuve vamadengomwave nkati muumwiu.