Vitendo 15:36 - Ibibiliya mu Shimakonde Imbodi Yaambi na dimbande dya Imbodi Yakala

³⁶ Akapite maduva doni, Paulu andímwaulila Balinaba kushidoni, “Ambi apa tuke tuvalola vanung'unumunu mumakaja uti atupitile tuvalanganga ntenga wake Umu kwambangidya tuvamanye mwavanamila.”

Vitendo 15:36 ပူးပေါင်းရင်းမြစ်များ

Mateu 25:36

panguvé na uwou muningugwadya, panguvé ninnwele muningutumika na panguungwídye, mwenu muningulola!’

Mateu 25:43

panguvé na uwou hamungugwadidye, panguvé ninnwele hamungutumikidile na panguungwídye, mwenu hamungulodile!’

Vitendo 13:12

Bai gavana washitingi pagwene davo, andíshanga mapundisho ammalanganga Umu kutwala kukulupila.

Vitendo 13:4

Napanelo vanavo vàtumigwe na Imumu Wanashwe, vandyálela mpaka pa Selushiya, apo kukwela mwingalava kuka mpaka pashitingi sha Kupulu.

Vitendo 13:51

Bai vamyombe vandípumunanga litutunga mmadodo mwave kutwala vanavo kuma kuka pa Ikoniu.

Vitendo 14:1

Napanelo pa Ikoniu Paulu namu Balinaba vandíinjila mushitala shakulipudidya shavayuda na kwainamuna yavatangwele, imbumba yavayuda na yavagalegu indíkulupila.

Vitendo 14:21

Napanelo vanavo vakavalangange ntenga wambone pa Delebe vandítadya voe vave vakwoda. Kutwala apo, vandyújila pa Lishitala, kuma apo kuka mpaka pa Ikoniu na vandíwika pa Antiyokiya ya ku Pishidiya.

Vitendo 14:6

Napanelo Paulu namu Balinaba vakamanye nnugu awo, vandítilila ku Lishitala na ku Delebe makaja ashilambo sha ku Likaoniya na kutilila mumakaja anji ashitanono.

Vitendo 7:23

“Napanelo Musha pawishidye vyaka alubaini vyashilinga andyámuwa muntima mwake kuka ndavalola vakwave, vo vanaishilaeli.

Valoma 1:11

Ninkuvanavo mweshe wakwida nannola kwambangidya dashi nimwing'e shajo shoeshoe shaimumu pakulota shinnonowange.

II Vakolintu 11:28

Leka vyapanda avi, kunkupagwa kula liduva kwidopa kwamangaikangilo angu kwamaganisha uti.

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

I Vateshalonika 3:6

Kanji napane paidile kwetu Timoti aalakela kwenu kutwala kutupa dyabali dyambone dyalikulupililo na linagwaledyo lyenu na kutuvalangangila kenga ngwengwe mwenu munkuvanavo likumbukililo lyambone kwetu wetu na munkuvanavo mweshe wakutwona wetu kenga wetu kwenu mwenu,

II Timoti 1:4

Pangukumbukila myodi vyako, ninkuvanavo mweshe woe wakukwona kwambangidya lipuwilo lyangu liwikile popo.