Vitendo 14:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Napanelo pa Lishitala andípagwa munu jumo wakudidimanga madodo áshiikala vila, avele mmashikini tangu shing'ang'eng'e shake na ákashiwena.

Vitendo 14:8 ပူးပေါင်းရင်းမြစ်များ

Nshuwau 5:7

Wakudidimanga madodo jo kushidoni, “Nang'olo, hanguvé munu wakungutwala kungujela mmedi patindimbukanga. Kula wakati wangulingangila nangu kwinjila mmedi ninkodya junji àinjidile.”

Vitendo 14:21

Napanelo vanavo vakavalangange ntenga wambone pa Delebe vandítadya voe vave vakwoda. Kutwala apo, vandyújila pa Lishitala, kuma apo kuka mpaka pa Ikoniu na vandíwika pa Antiyokiya ya ku Pishidiya.

Vitendo 14:6

Napanelo Paulu namu Balinaba vakamanye nnugu awo, vandítilila ku Lishitala na ku Delebe makaja ashilambo sha ku Likaoniya na kutilila mumakaja anji ashitanono.

Vitendo 16:1

Nae andyúka mushu na shimwanda shake mpaka pa Delebe na pa Lishitala; napanelo palyutu alyo ashindanama nkwóda jumo walina Timoti; anyoke avele nkúkulupila walikola lyashiyuda kanji tatake avele mugalegu.

Vitendo 3:2

Koko ko, vanu vanínnyukata munu wakudidimanga madodo tangu mmunda mwanyoke, munu wavashimmika kula liduva pannango waing'ande ya Nnungu wavashishema Nnango-wakwalala atende avajugwajugwa njuluku vanu váshiinjilila apo.

Vitendo 4:9

Ikava kenga nelo tunkulalyangigwa kwaing'ano yashitendo ashi shambone shintandéke munu aju e avéle wakudidimanga madodo mwaponedile,

II Timoti 3:11

kupapatigwa na mauvilo; vinu vingutandéke ku Antiyokiya, Ikoniu na Kulishitala. Kupapatigwa aku uti, ndilipililila na nkati muvinu avyo uti Umu aninguposha.