Vitendo 14:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Napanelo Paulu namu Balinaba vakamanye nnugu awo, vandítilila ku Lishitala na ku Delebe makaja ashilambo sha ku Likaoniya na kutilila mumakaja anji ashitanono.

Vitendo 14:6 ပူးပေါင်းရင်းမြစ်များ

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Vitendo 14:11

Vanu vaumbalanidíle apo pavagwene shitendo ashi shatandile Paulu, vandíjunga vatangola mushitangodi shalikaoniya vaashidoni, “Vannungu vandijalukanga kuva mwavanu kutwala kushuluka kutwidila!”

Vitendo 14:8

Napanelo pa Lishitala andípagwa munu jumo wakudidimanga madodo áshiikala vila, avele mmashikini tangu shing'ang'eng'e shake na ákashiwena.

Vitendo 15:36

Akapite maduva doni, Paulu andímwaulila Balinaba kushidoni, “Ambi apa tuke tuvalola vanung'unumunu mumakaja uti atupitile tuvalanganga ntenga wake Umu kwambangidya tuvamanye mwavanamila.”

Vitendo 20:4

Mushimwanda asho andyódana namu Shopatulu wa ku Beleya mwanagwe Pilu, Alishitaliku namu Segundu vanu va ku Teshalonika, Gayu wa ku Delebe, Tikiku namu Tolopimo vanu va ku Ashiya namu Timoti.

Vitendo 9:24

kanji Saulu vanímmanyia nnugu wave. Vanavo shilo na mui vashindalaledya milango vyakwinjilila panjini valota vammyae Saulu.

II Timoti 3:11

kupapatigwa na mauvilo; vinu vingutandéke ku Antiyokiya, Ikoniu na Kulishitala. Kupapatigwa aku uti, ndilipililila na nkati muvinu avyo uti Umu aninguposha.