Vitendo 14:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Vanu vaumbalanidíle apo pavagwene shitendo ashi shatandile Paulu, vandíjunga vatangola mushitangodi shalikaoniya vaashidoni, “Vannungu vandijalukanga kuva mwavanu kutwala kushuluka kutwidila!”

Vitendo 14:11 ပူးပေါင်းရင်းမြစ်များ

Vitendo 12:22

Bai venentete vashindajunga vaashidoni, “Lidi ali halinava shinu lyamunu vila kanji lyannungu.”

Vitendo 14:12

Balinaba vashinshema Sheushi na Paulu kunshema Elimeshi mwaa nae ni ashiva nkutangola.

Vitendo 14:6

Napanelo Paulu namu Balinaba vakamanye nnugu awo, vandítilila ku Lishitala na ku Delebe makaja ashilambo sha ku Likaoniya na kutilila mumakaja anji ashitanono.

Vitendo 28:6

Napanelo vanu vapashitingi asho vashikumbukila kenga Paulu unammimba nkono kwali kupela shingangala. Kanji vakaikale wakati woe valindila, pavagwene kenga hashipali shimmilinganianga, vanavo dindívaida ding'ano dinji kutwala kutangola kenga Paulu avele nnungu.

Vitendo 8:10

Simoni vanu uti va ku Shamaliya bila kumpambula munu vashindamwishimu namene na vashindatangola doni, “Munu aju ni dimongo dya Nnungu dishamégwa ‘Ding'umene.’ ”