Vitendo 13:50 - Ibibiliya mu Shimakonde Imbodi Yaambi na dimbande dya Imbodi Yakala

⁵⁰ Kanji vayuda vandívatumbilikanga vanang'olo pamo na vakongwe vakulipudya na vakwishimika vapalikaja alyo kutwala vanavo kutunduvanga kuvapapata vapaulu na vandívavinganga mulilanga alyo.

Vitendo 13:50 ပူးပေါင်းရင်းမြစ်များ

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Malukushi 15:43

Yoshe wa ku Alimateya munu wakwishimika mwikamati yavayuda kanji nanae momo ashindalindila utawala wa Nnungu, andímuukila Pilatu pakajugulanga shinu nanjugwa mili umwe Yesu.

Malukushi 5:17

kutwala vanavo kutunduvanga kunjugwangila Yesu aume mushilambo shave.

Vitendo 13:43

Kutwala nkodyanio paumalilike, vayuda voe pamo na vanu valiinjidyénge vandímwoda Paulu namu Balinaba váshitangola na vanavo vavashomba pakulota vauke mushu muumonyo wake Nnungu.

Vitendo 13:45

Bai vayuda pavagwene imbumba yavanu vakadyénie indívaumbala ing'ou kutwala kuntaukanga Paulu na kumwabalanga.

Vitendo 14:19

Napanelo mo nkaja mo, vandíwika vayuda vaantiyokiya ya ku Pishidiya na vaikoniu kutwala kuvatumbilikanga vanu vankaja amo; bai vandímwamanga majanga Paulu, kumuutanga kuka nanjaa kunyenje likaja vona kenga andipela.

Vitendo 14:2

Kutwala vayuda vákaitikidile lilove alyo vandivatubya vamidi pakulota vavapinge vanung'unumunu avo.

Vitendo 14:4

Nadoni vanu vankaja amo vandíjavanikana; kupagwa shipinga shavayuda na kupagwa shipinga shaupande wavamyombe.

Vitendo 14:5

Bai vayuda, vamidi pamo na vakutawala vave, vandyúnganila kuvauvyauvyanga na kuvaamanga majanga vamyombe.

Vitendo 16:14

Pakati pavakongwe váshitwigwilila andípagwa nkongwe jumo áshilipudya kwa Nnungu walina Lidiya áshishumidyanga dinguvo dyakupapeka dyailangi yanshambalau na wakwalakela kulikaja lya Tiyatila. Umu napane andímuungula ntima pakulota kwigwa shana vyashitangola Paulu.

Vitendo 17:12

Nadoni voe pakati pave vandíkulupila namomo pakati pavagalegu vakongwe vakwishimika na valume voe.

Vitendo 17:13

Kanji vayuda va ku Teshalonika vakamanye kenga Paulu ankuvalanganga lilove lya Nnungu pa Beleya momo, vandyúka koko ndavakang'ela venentete na kutaa upuju.

Vitendo 17:17

Napavedoni nae ashindataukananganavo vayuda na vanu vanji vakunjopa Nnungu mushitala shave shakulipudidya na kutaukananga na vanu vanji váshipita pashiwanja shamikodyanio.

Vitendo 17:4

Bai vayuda vanji vandishambegwa kutwala kulyunganianga namu Paulu namu Shilashi; namomo indílyunganianga imbumba yavagalegu váshilipudya kwa Nnungu pamo na vakongwe voe vakwishimika.

Vitendo 18:7

Bai Paulu andyúma pashitala shakulipudidya po kuka kwing'ande yamunu jumo walina Titu Yustu, munu wakunjopa Nnungu na ing'ande yake indíijamananga na shitala shakulipudidya.

Vitendo 2:5

Napanelo ku Yelusalemu vashindaikala vayuda vanu vakulipudya ngwengwe kwa Nnungu ve vaalakadíle muvenentete uti vamushilambo shapai.

Vitendo 21:27

Napanelo maduva saba akulyalaliya alota kumalilika, vayuda va ku Ashiya vakamwone Paulu mwing'ande ya Nnungu vanavo vandívakang'ela venentete na vanímwinjilinneu

Vitendo 28:17

Napanelo akapite maduva matatu, Paulu andívashamanga vanang'olo vavayuda kutwala vanavo pavaidanenge nae kuvaulila doni, “Mmanung'unumunu, nangu panikatenda shinu shakukowa kwavenentete vetu na kwashinamilo shavatulakadile vanakuluvetu, vayuda pa Yelusalemu vaningunga kutwala kungukamudya kumakono avaloma.

Vitendo 6:12

Nadoni vandívakang'ela venentete, vanang'olo pamo na vamwalimu vadishaliya kutwala kuka kwashingangala nankamula Shiteva kumuukanavo kunguguvale.

Vitendo 8:1

Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.

Valoma 10:2

Mwenu, nangu ninkumya ushuda kwavanavo kenga vankuvanavo dukuduku kwa Nnungu kanji dukuduku yave hainava shinu yalimanyilo

II Vakolintu 11:26

Ngwengwe nguvé mushimwanda, muvijoidyo vyadyundi, muvijoidyo vyamajambashi, muvijoidyo vyavakwetu, muvijoidyo vyavamidi, muvijoidyo munjini, muvijoidyo kushimbweshe, muvijoidyo mudimanga na muvijoidyo pakati pavanung'unumunu vakushang'apa,

I Vateshalonika 2:14

Mwaa mwenu mmanung'unumunu mundilitenda kuva mmakujedya vamaganisha a Nnungu nkati mumwe Klistu Yesu avéle ku Yudeya pakuva mwenu mundyuvauvanga mauvilo lolo kwavenentetemwenu kenga vanavo kwavayuda

II Timoti 3:11

kupapatigwa na mauvilo; vinu vingutandéke ku Antiyokiya, Ikoniu na Kulishitala. Kupapatigwa aku uti, ndilipililila na nkati muvinu avyo uti Umu aninguposha.