Vitendo 13:48 - Ibibiliya mu Shimakonde Imbodi Yaambi na dimbande dya Imbodi Yakala

⁴⁸ Bai vamidi vakaigwe malove alo, vashindapuwanga namene na vashindaing'a lishangelo lilove lyake Umu; kutwala avalá vatandalégwe vapate shingumi shíkamalilika, vandíkulupila.

Vitendo 13:48 ပူးပေါင်းရင်းမြစ်များ

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Mateu 28:16

Napanelo vakwoda vake Yesu kumi na moja vandyúka ku Galileya mpaka ndawika kulishinga lyavalatadíle Yesu.

Lukashi 7:8

Mwaa nangu ni nimunu ngúvele mwina madalaka na ninkuvanavo vaing'ondo vandivalamulila. Nikannamulila jumo, ‘Wena!’ Nae kukinneu. Junji, ‘Ida!’ Kwidinneu. Nikannamulila ntumika wangu, ‘Tenda ashi!’ Nae kutandenneu shosho.”

Nshuwau 10:16

Ninkuvanavo vangandolo vanji vákavele vamulingongo ali; vovo vo ininguvaikila ndivatwale, vanavo lidi lyangu vandaigwa, vandapagwa shipinga shimo na nkúshunga jumo.

Nshuwau 11:52

na ata i gweka venentete avo, namomo kwamwaa wavana va Nnungu vamwadilikanénge pakulota vanavo, nae avaunganiange vave shipinga shimo.

Vitendo 13:12

Bai gavana washitingi pagwene davo, andíshanga mapundisho ammalanganga Umu kutwala kukulupila.

Vitendo 13:42

Bai Paulu namu Balinaba vauma pashitala shakulipudidya, venentete vandívajugwangila vaujile kavili mulyutu alyo muliduva linji lyakupumula vakaanjedye malove alo.

Vitendo 15:2

Bai ing'ano ai iníntadya Paulu namu Balinaba vapwatane yakudimba kumevo na vanu avo. Nadoni indyámuligwa pakulota Paulu namu Balinaba pamo na vanung'unumunu vanji vapaliganisha lya pa Antiyokiya vauke ku Yelusalemu vakakadyanie na vamyombe pamo na vanang'olo pakulota valalyange ing'ano ayo.

Vitendo 15:31

Vanung'unumunu pavashomidye, malove alo andívapa ntima shii na vandípuwangila namene

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vitendo 2:47

vantumbyanga Nnungu na vavanavo litananilo kwavenentete uti. Bai liduva kwaliduva Umu ashindavaanjadyedya vanu vakwambolegwa.

Vitendo 20:13

Napanelo wetu tundíinjila mwingalava kuka tulangalela mpaka pa Asho nannindila Paulu tuwenenavo shalumo mwingalava mwaa nae andípangila na andípakanila namu wetu auke mwanda wamadodo.

Vitendo 22:10

Nadoni nangu ndímudya, ‘Umu, napanelo ngutende nyamani?’ Umu kushidoni, ‘Takatuka winjile nkaja mu Damashiko mo! Mo nkaja mo vandakumanyiya uti vikuvaikidíle utende.’

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Vitendo 8:8

Nadoni panjini awo lishindapagwa lipuwilo lyoe namene.

Valoma 11:7

Napane nyamani? Vanaishilaeli, ashilá shavashilambela havapatile. Shindipatikana namu vakutandalegwa kanji vanji vo vandivananopya mitima

Valoma 13:1

Kula munu alivike mwina mwavamadalaka avalá vatawála mwaa hapali madalaka apagwíte ákaalakadile kumwe Nnungu na madalaka uti apagwíte, apangiké namu Nnungu.

Valoma 8:28

Tundimanya napane kwa avalá vannagwalédya Nnungu ankuvatandela uti kwauwambone, vo vávashamile kwodananavo malotelo ake jo mwene.

I Vakolintu 16:15

Napane ninkunnaililila mmanung'unumunu, mwenu mundimanya shana kenga unalikola umwe Eshitepanashi, vanavo ni vyepo vitandi ku Akaya na vandilijaula mukuvatumika vakwilimyanga.

Vaepeshu 1:11

Nkati mwake momo wetu tunditandegwa kuva maleko, wewe tùpangiligwe kala kwodananavo ishabaa yake aijá átenda vinu uti kwauwamushi wamalotelo ake

Vaepeshu 1:19

na nyamani ukumene wadimongo dyakupunda uti kwetu wetu túnkulupidile. Dimongo adi dinkulinganana na shimadengo shakunanopa kwalyululilo lyake

Vaepeshu 1:4

kenga mo mwatutandaladile nkati mwake tangu kala shilambo shikanava kukandyangigwa pakulota tuve vakwilimyanga na túkave makosha pamevo pake. Nae anditutandola mulinagwaledyo

Vaepeshu 1:5

àtupangidile kala mwakulota kututenda tuvanamunu vake jo mwene kwaindila imwe Yesu Klistu kwodana na mo mwainagwaladile jo mwene mumalotelo ake

II Vateshalonika 3:1

Kumwisho akuno mmanung'unumunu, tushwalidya wetu pakulota lilove limwe Umu lyandavale shipajelo na lipate ishima kenga mwaitandakadile pakati penu