Vitendo 13:45 - Ibibiliya mu Shimakonde Imbodi Yaambi na dimbande dya Imbodi Yakala

⁴⁵ Bai vayuda pavagwene imbumba yavanu vakadyénie indívaumbala ing'ou kutwala kuntaukanga Paulu na kumwabalanga.

Vitendo 13:45 ပူးပေါင်းရင်းမြစ်များ

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Mateu 27:18

Andyúdya davo mwaa andímanya kenga vandimuukanavo kwake nae kwamwaa waing'ou.

Vitendo 13:50

Kanji vayuda vandívatumbilikanga vanang'olo pamo na vakongwe vakulipudya na vakwishimika vapalikaja alyo kutwala vanavo kutunduvanga kuvapapata vapaulu na vandívavinganga mulilanga alyo.

Vitendo 14:19

Napanelo mo nkaja mo, vandíwika vayuda vaantiyokiya ya ku Pishidiya na vaikoniu kutwala kuvatumbilikanga vanu vankaja amo; bai vandímwamanga majanga Paulu, kumuutanga kuka nanjaa kunyenje likaja vona kenga andipela.

Vitendo 14:2

Kutwala vayuda vákaitikidile lilove alyo vandivatubya vamidi pakulota vavapinge vanung'unumunu avo.

Vitendo 14:4

Nadoni vanu vankaja amo vandíjavanikana; kupagwa shipinga shavayuda na kupagwa shipinga shaupande wavamyombe.

Vitendo 14:5

Bai vayuda, vamidi pamo na vakutawala vave, vandyúnganila kuvauvyauvyanga na kuvaamanga majanga vamyombe.

Vitendo 17:5

Kanji vayuda vandívanavo ing'ou vakavatwalanga vakubanga vanji vapashakoni vakaunga shipinga shavo shaupuju kupita vataa upuju nkaja; vanavo vandyúka ndapajola ing'ande imwe Yashoni valota vankamule Paulu namu Shilashi vavaukenavo kuumbala.

Vitendo 18:6

Kanji vanavo vakampinge na vakamwabalange, Paulu andípumunanga dinguvo dyake kutwala kushidoni, “Myadi vyenu vipagwe pamuti penu! Nangu hanguve likosha kwenu mwenu. Kutunduvangila ambi apa, mwanda kwavamidi.”

Vitendo 19:9

Kanji vanu vanji vashindalitaukanga, havashilota kukulupila na vashindatangola kunyata Indila paumbala wavanu. Napavedoni Paulu andyúma pakati pave pamo na vakwoda kuka ndavapundisha kula liduva pashitala shimwe Tilanu.

Vitendo 5:17

Napanelo nkúlangalalela-shadaka nkumene pamo na vavagwe uti vàvele vamushipinga shamashadukayo, vandítunduvanga kuvaanangila ing'ou vamyombe.

Valoma 1:29

Vandyumbaligwa ungave-shaliya uti; ushapu, lung'unuku na ukalau. Vaumbaligwidyé ing'ou, kubyaa, ing'ondo, kushang'apa na kung'wenya;

I Vakolintu 3:3

Doni, mpaka ambi mwenu ni mmanu mmashimunumunu mwaa paipagwa ing'ou na ing'ondo pakati penu, da hamunava shinu mmashimunumunu na hamunaodedya shinu malotelo ashimunumunu?

II Vakolintu 11:26

Ngwengwe nguvé mushimwanda, muvijoidyo vyadyundi, muvijoidyo vyamajambashi, muvijoidyo vyavakwetu, muvijoidyo vyavamidi, muvijoidyo munjini, muvijoidyo kushimbweshe, muvijoidyo mudimanga na muvijoidyo pakati pavanung'unumunu vakushang'apa,

Vagalata 5:21

ing'ou, kwambalwa, kululuka na vinji vilinganána na avyo. Ninkumwaulila kala davo kenga mwanimwaulidile kunantandi doni, vaténda vinu avyo, mwiko havapata maleko autawala wa Nnungu.

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

II Timoti 3:11

kupapatigwa na mauvilo; vinu vingutandéke ku Antiyokiya, Ikoniu na Kulishitala. Kupapatigwa aku uti, ndilipililila na nkati muvinu avyo uti Umu aninguposha.

Tiyagu 4:5

Kwali munkwona kenga Maandiko àtangaleke monyo patédoni, Imumu wantadidye nae apagwe nkati mwetu ankuvanavo mweshe waliloko?

I Patulu 4:4

Vanavo ambi apa vankwona kuva shinu shanshelu mwenu pamukaungana na vanavo nkati mushinamidyo shaupuju; ni ashi shitádya vamwabalange.

Yudashi 1:10

Vovo vo, vankukupulu vinu vyavakamanyite, namomo kwavinu vyavamanya kwamavalelo, nkati muvyanavo vinkuvabamola kenga vakoko vákave ding'ano.