Vitendo 13:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ kwaindila yake nae kula munu ákulupila, ankuvalangiligwa ishaliya.

Vitendo 13:39 ပူးပေါင်းရင်းမြစ်များ

Lukashi 10:25

Mwe! Mwalimu jumo wadishaliya kutakatuka kunninga Yesu aashidoni, “Mwalimu, Ngutendé nyamani pakulota ngupate shingumi shíkamalilika?”

Lukashi 10:28

Yesu kutwala kushidoni, “Undijang'ula shana. Tandedya vyovyo vyo, uname.”

Lukashi 18:14

Ninkumwaulila doni, nkúkatisha-ukodi jo andyúja kuka kukaja Nnungu àmpele ishaliya kanji mpalishayo jo, ng'odo. Mwenu, munu álitumbudya, Nnungu anantaa dyoni kanji álijandya, Nnngu anantumbudya.”

Nshuwau 1:17

mwaa Lilamulo lindipatikananga kwaindila imwe Musha; umonyo na umwiu kwida kwaindila imwe Yesu Klistu.

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Vitendo 10:43

Ajo vakulava uti vankumuumidya ushuda kenga kula munu ánkulupila nae ankupata kulivalivigwa kwamadambi kwaindila yalina lyake.”

Valoma 10:10

Doni, kwa wo ntima, munu anakulupila kutwala kupata ishaliya na kwa yo ikanywa, munu andaang'ula kutwala kwambolegwa.

Valoma 10:4

Doni, mwisho walilamulo ni Klistu kwambangidya ipagwe ishaliya kwa aijá uti ákulupila.

Valoma 3:19

Napane wetu tundimanya kenga uti vitangóla mulilamulo vinkutangola kwa avalá vatawalígwa na lilamulo kwambangidya dashi, dikanywa uti dimalale na shilambo uti shikapagwe muukumu yake Nnungu

Valoma 3:20

mwaa kwaindila yashimadengo shalilamulo hapali álota kuvalangiligwa kuva ishaliya pamevo pake pakuva kwaindila yalilamulo inkutadya lidambi limanyike.

Valoma 4:15

Mwaa lyo lilamulo lyo, linkwidanavo shitundi kanji napane palikapagwite lilamulo, hakupali kupujungula.

Valoma 4:24

kanji ata kwaupande wetu wetu momo. Vandatuvalangilila wetu túnkulupila aijá ándyuwidye pakati pavakupela, Yesu Umu wetu.

Valoma 5:1

Napavedoni pakuva tundivalangiligwa ishaliya kwalikulupililo, tunkuvanavo amani namu Nnungu kwaindila imwe Umu wetu Yesu Klistu.

Valoma 5:20

Mwenu, lilamulo lindida pakulota dashi, kupujungula kwanjadyeke. Napane po palyanjadyeke lidambi, umonyo undipakatika

Valoma 5:9

Pakuva ambi apa napane tundivalangiligwa ishaliya kwaindila yamyadi vyake, kupunda namene kwaindila yake nae tundaambwalegwa mushitundi.

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

Valoma 9:31

kanji vanaishilaeli váshoodedya lilamulo pakulota vavalangiligwe ishaliya, havapatile.

I Vakolintu 6:11

Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe Umu Yesu Klistu na mu Imumu umwe Nnungu wetu.

Vagalata 2:16

ata tumanya avi do, munu hanapata shinu ishaliya kwamwaa wakwodedya lilamulo ila kwaindila yakunkulupila Yesu Klistu, nawetu momo tuninkulupila Yesu Klistu pakulota tupate ishaliya kwaindila yakunkulupila Klistu i kwamwaa wakwodedya lilamulo. Ni doni, kwakwodedya lilamulo, hapali álota kupata ishaliya.

Vagalata 2:19

Mwaa nangu kwaindila yalilamulo ndipela mulilamulo kwambangidya nguname mu Nnungu. Nangu ndipela panshalaba namu Klistu.

Vagalata 3:8

Maandiko pagwene kaladavo doni, Nnungu andavapa vamidi ishaliya kwaindila yalikulupililo, anímmalangangila ntenga wambone shitandi Abulaamu aashidoni, “Kwako wako, venentete uti vandaalaligwa.”

Vagalata 5:3

Ninkwakikisha kavili kenga kula munu ákumuligwa likumbi, nae ankudaigwa atandedye lilamulo uti.

Vabalaniya 10:11

Liduva kwaliduva, kula nkúlangalalela-shadaka andáimila atumika mukumya vyadaka aujidya-ujidya vyovyo ngwengwe, vyo víkaulula kuushanianga madambi.

Vabalaniya 10:4

mwaa hayululika myadi vyaing'ombe na vyaimbudi kuushanianga madambi.

Vabalaniya 7:19

mwaa lilamulo litandi halyulwile kutandedya shinu shoeshoe kuwikila popo kanji kwaupande unji, vandiingula lilindilililo lyamana na kwaindila yalyanavo tunkuulula kummandika Nnungu.