Vitendo 13:38 - Ibibiliya mu Shimakonde Imbodi Yaambi na dimbande dya Imbodi Yakala

³⁸ Nadoni mmanung'unumunu ikala mumanya doni, kwaindila yamunu jojo aju tunkummalangangila kulivalivigwa kwamadambi na muvinu uti vyo vyamukashiulula mwenu kuvalangiligwa ishaliya kwalilamulo limwe Musha

Vitendo 13:38 ပူးပေါင်းရင်းမြစ်များ

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Vitendo 10:43

Ajo vakulava uti vankumuumidya ushuda kenga kula munu ánkulupila nae ankupata kulivalivigwa kwamadambi kwaindila yalina lyake.”

Vitendo 2:14

Napanelo Patulu andítakatuka pakati pavavagwe kumi na moja avalá kutwala kutangola pashanya po, amanyiya imbumba kushidoni, “Mmayudeyamwangu pamo na mwenu múnama pa Yelusalemu, tela matu enu mwigwe vyangulota kummalangangila.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Vitendo 28:28

Paulu kavili kushidoni, “Ikala mumanya doni ntenga au wakwambola wake Nnungu undipalakalegwa kwavamidi na vanavo vandaigwilila.”

Vitendo 4:10

bai mwenu apa na mmanaishilaeli uti ikala mumanya kenga ni palina lyake Yesu Klistu wa ku Nashaleti wamunkamadile mwenu panshalaba kutwala Nnungu kundyuwa pakati pavanu vapadíle, kwadimongo dyake nae munu aju áimidile mushu mwenu andípata kupona.

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 4:32

Tananana na ava mmashididi mulivalilanila kulingana kenga mo mwannivalidile mwenu Nnungu nkati mumwe Klistu.

Vakoloshu 1:14

mwake nae tunkuvanavo kwambolegwa kùvele kulivalivigwa kwashimadambi.

Vabalaniya 8:6

Kanji napane ambi apa utumika wapatile Yesu wo, ni wambone kuliko wavanavo, nadoni kenga mo, imbodi intadídye nae ave nkúdumangila waimbodi yamana kupunda yakala, yoyo yo inkunanapela muvyakulivikila vyamana.

Vabalaniya 9:22

Doni, kwakwodananavo lilamulo na mpaka vinu uti vinkuushaniangigwa ushapu kwamyadi na kwabila kujaa myadi hakupali kulivalivigwa kwamadambi.

I Nshuwau 2:12

Mmanavangu, ninkumwandikila mwaa madambi enu andilivalivigwa kwamwaa walina lyake.