Vitendo 13:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Bai gavana washitingi pagwene davo, andíshanga mapundisho ammalanganga Umu kutwala kukulupila.

Vitendo 13:12 ပူးပေါင်းရင်းမြစ်များ

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Lukashi 4:22

Vanu uti vashindamwimyanga na vashinanshanga vyambone vyashitangola kutwala kushidoni, “Da aju i jo mwanagwe Yoshe aju?”

Lukashi 7:16

Vanu uti kuvainjila kujopa kutwala kumupa lishangelo Nnungu vaashidoni, “Pakati petu andyumilila nkúlava nkumene namene!” Vanavo kavili kushidoni, “Nnungu andida ndavaangangola venentete vake!”

Nshuwau 7:46

Vakushunga kushidoni, “Mwiko, hapali wakumanya kutangola kenga munu aijá.”

Vitendo 13:48

Bai vamidi vakaigwe malove alo, vashindapuwanga namene na vashindaing'a lishangelo lilove lyake Umu; kutwala avalá vatandalégwe vapate shingumi shíkamalilika, vandíkulupila.

Vitendo 13:49

Nadoni lilove lyake Umu lishindavalangangika mulijimbo alyo uti.

Vitendo 13:7

Nae avele muje Shelishu Paulu gavana wapashitingi asho. Shelishu, munu wamang'amung'amu na walimanyilo lyoe, anínshema Balinaba namu Saulu mwaa ashindalota vammalangangile lilove lya Nnungu.

Vitendo 13:8

Kanji Elimashi mwavi jo, mwaa aku ni kuvalangangila kwalina lyake, ashindavavangedya vamyombe alambela antividyange gavana hanaliinjidyange mulikulupililo.

Vitendo 15:35

Napane Paulu namu Balinaba vandíikala pa Antiyokiya maduva avaikalenge vapundisha na vavalanganga lilove lyake Umu pamo na vanung'unumunu vanji.

Vitendo 15:36

Akapite maduva doni, Paulu andímwaulila Balinaba kushidoni, “Ambi apa tuke tuvalola vanung'unumunu mumakaja uti atupitile tuvalanganga ntenga wake Umu kwambangidya tuvamanye mwavanamila.”

Vitendo 18:12

Napanelo Galyu àvele gavana walijimbo lya Akaya, vayuda kwaunapamo vanínnyanyamalila Paulu na vaníntwala kumuukanavo kumwe gavana kushiwanja shamikodyanio

Vitendo 19:10

Bai shimadengo asho Paulu andítenda muvyaka vivili mpaka vanu uti valijimbo lya Ashiya, vayuda namu vamidi kwigwa lilove lyake Umu.

Vitendo 19:20

Bai kwamwaa wavitendo avi, lilove limwe Umu lishindauka mushu lyandavala na lishindaavanavo dimongo.

Vitendo 19:38

Ikava kenga Demetiliu pamo na vavagwe vankuvanavo mwaa na munu woewoe, mabengi avelé mwandwa na vagavana vakwangangola vapali; nadoni vanavo vauke vakakashali kwanavo.

Vitendo 19:7

Vanu avo uti vavele valume kenga kumi na mbili doni.

Vitendo 28:7

Napanelo pepi na palyutu alyo, andípagwa mautu ake gavana washitingi asho walina Pubiliu. Nang'olo aju wetu andítushema na andítukalibisha paing'ande pake na tundíikanavo shana namene maduva matatu.

Vitendo 6:10

kanji havashuulula kutauka limanyilo na Imumu Wanashwe áshinnangalalela nae mukutangola.

Vitendo 8:25

Bai vamyombe vakaumye ushuda na vakatangole lilove lyake Umu, vandyújila ku Yelusalemu kupita vavalanganga ntenga wambone mumakaja oe avashamaliya.