Vitendo 10:48 - Ibibiliya mu Shimakonde Imbodi Yaambi na dimbande dya Imbodi Yakala

⁴⁸ Bai Patulu andílamulila vavabatishe palina limwe Yesu Klistu na vanavo vanínjugwa vaikanavo maduva akudyangangila.

Vitendo 10:48 ပူးပေါင်းရင်းမြစ်များ

Nshuwau 4:2

ata ikava kenga jo mwene Yesu hashivapa vanu ubatisho ila vakwoda vake,

Nshuwau 4:40

Napanelo pavamuukidile Yesu vashamaliya avalá, vanínjugwa vaikalenavo, nae kwikala kwanavo maduva mavili

Vitendo 16:15

Ling'oto lyankongwe ajo kupata ubatisho pamo na vapaing'ande pake, andítujugwangila aashidoni, “Ikava kenga mwenu munkungwona kenga nangu ninkúkulupila wake Umu, tuke mukaikale kwing'ande kwangu.” Bai nae andítuulula kutuukanavo kwing'ande kwake.

Vitendo 19:5

Bai vanu ve vaigwíte malove alo, vandípata ubatisho palina limwe Umu Yesu.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Vitendo 8:12

Kanji Pilipo pavalangenge ntenga wambone wautawala wa Nnungu na yalina limwe Yesu Klistu, valume na vakongwe vashindapata ubatisho.

Vitendo 8:16

mwaa Imumu Wanashwe avele akanava kunshulukila munu ata jumo pakati pave ila vandípata ubatisho palina limwe Umu Yesu.

Vagalata 3:27

mwaa uti múpatile ubatisho mumwe Klistu, Klistu muningwala.