Vitendo 10:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Koluneli anínnola ndoo, anjopa kutwala kushidoni, “Da nyamani nang'olo?” Njelo kushidoni, “Kushwali kwako na lipwashalelo lyaunaumya uvapa vamashikini Nnungu inkunnagwela na hanalivaliva shinu.

Vitendo 10:4 ပူးပေါင်းရင်းမြစ်များ

Mateu 26:13

Ninkumwaulila mwiu doni, kula kushinu kwavalota kuvalanganga ntenga wambone mushilambo amu, namomo vinu vyatandile nkongwe aju vandavalanganga kenga kumbukumbu kwake nae.”

Lukashi 1:29

Maliya akaigwe malove alo, andíitukanga namene kutwala kulyudya shintimatima kushidoni, “Shuudyangidi ashi shuudyangidi shani?”

Lukashi 24:5

Vakongwe na kujopa kwave kutapangila pai kutwala vanu vavili vo kushidoni, “Mwaa shani munkunnambela munu mumi pakati pavakupela?

Vitendo 10:31

kutwala kushidoni, ‘Koluneli, kushwali kwako ngwengwe Nnungu ankwigwa na lipwashalelo lyako lyaunaumya uvapa vamashikini hanalivaliva shinu.

Vitendo 14:9

Munu aju pashimwigwilila Paulu; Paulu pannodile ndoo, akamwone kuvanavo likulupililo lyakulota apone,

Vitendo 22:10

Nadoni nangu ndímudya, ‘Umu, napanelo ngutende nyamani?’ Umu kushidoni, ‘Takatuka winjile nkaja mu Damashiko mo! Mo nkaja mo vandakumanyiya uti vikuvaikidíle utende.’

Vitendo 3:4

Patulu na muje kunnola ndoo, kutwala kushidoni, “Tulola wetu apa!”

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

Vapilipo 4:6

Hamunangaikange kwamwaa washinu shoeshoe kanji kwakula shinu, kwaindila yakushwali na yakujugwa pamo na kulambwalela, palakedya majugwilo enu kwake Nnungu

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

Vabalaniya 6:10

Nnungu hanava shinu waungave-ishaliya wakulota kulivaliva shimadengo shenu na linagwaledyo lyamuladidye kwamwaa walina lyake pakuva mundivatumika vakwilimyanga na munkuka mushu muvatumika.

Maono 8:4

Mmakono mwanjelo mundyúma lyoi lyalubani pamo na kushwali kwavakwilimyanga kuka kwa Nnungu.