Vitendo 1:3 - Ibibiliya mu Shimakonde Imbodi Yaambi na dimbande dya Imbodi Yakala

³ Ling'oto lyakupela nae andidyuka na andililodya myanda vyoe kumili kwave na vimanyikilo víkave ntau vyakulilodya nae kuva mumi. Vanavo vandyonanavo muwakati wamaduva alubaini avavalangangila ing'ano yautawala wa Nnungu.

Vitendo 1:3 ပူးပေါင်းရင်းမြစ်များ

Mateu 21:43

“Napavedoni ninkumwaulila, utawala wa Nnungu mwenu vanampoka kuvapa venentete vanji valóta kulodya vyepo vyake.

Mateu 28:9

Kwashingangala Yesu kuvaumililila kutwala kushidoni, “Mmangumi!” Vanavo kumuukila, kumwambatila mmadodo mwake kutwala kulipudya.

Mateu 3:2

aashidoni, “Lijugulange mwaa utawala wakuwa undivandika.”

Mateu 4:2

Nae akaunga maduva alubaini shilo na mui na ikankola indala.

Malukushi 16:19

Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Nshuwau 20:26

Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”

Nshuwau 21:1

Vikapite avyo, Yesu andílilodya kavili kwavakwoda vake nanyenje litanda lya Tibeliyade. Kulilodya kwake ko kuvé doni,

Nshuwau 21:14

Au uvele mwanda wantatu avaumililila vakwoda vake ling'oto lyakudyuka pakati pavakupela.

Vitendo 13:31

Akandyuwe, vavagwe vaalekenavo ku Galileya mpaka ku Yelusalemu, vandyónananavo mumaduva oe na vovo vankumya ushuda wake kwavanaishilaeli.

Vitendo 19:8

Paulu muwakati wamyedi mitatu, ashindauka kushitala shakulipudidya aombanga myaa na avashomba pakajugulanga shinu kwamwaa wautawala wa Nnungu.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Vitendo 28:31

avalanganga utawala wa Nnungu na apundisha uti vimwámba Umu Yesu Klistu kwantima shii uti na kwabila kundingadinga shinu.

Vitendo 8:12

Kanji Pilipo pavalangenge ntenga wambone wautawala wa Nnungu na yalina limwe Yesu Klistu, valume na vakongwe vashindapata ubatisho.

Valoma 14:17

Mwaa utawala wa Nnungu haunava shinu shakulya kwali ugwalwa kanji ishaliya, amani na lipuwilo nkati mu Imumu Wanashwe.

Vakoloshu 1:13

Nae ni átuposhidye muutawala wamushii kutuukanavo muutawala wamwanagwe wakunagwaleka,

I Vateshalonika 2:12

tunnaililila, tumupa ntima shii na tunkanyalidya pakulota muname shinamidyo shimmaikíla Nnungu aijá ánshamile muutawala wake jo mwene na mulishangelo lyake.

I Nshuwau 1:1

Lilove lyashingumi jo, andípagwa kutunduvangila kunantandi: wetu nae tundimwigwa, tundimwona na mevo etu, tuninnalyanga shana na tuninkamulanga tuvene kwamakono etu,