Vitendo 1:2 - Ibibiliya mu Shimakonde Imbodi Yaambi na dimbande dya Imbodi Yakala

² mpaka muliduva lyaukile ndatanduligwa kuka kuwa ling'oto lyakumya malailililo na dimongo dya Imumu Wanashwe kuvapa vamyombe vake vavatandwele.

Vitendo 1:2 ပူးပေါင်းရင်းမြစ်များ

Mateu 12:28

Napane ikava kenga ninkukumulanga majini kwaindila ya Imumu wake Nnungu, bai manya doni utawala wa Nnungu mwenu po, undimwikila.

Mateu 3:16

Nadoni po papatile ubatisho, Yesu andyúma mmedi mo kutwala muwakati wowo, mwe! Pamevo pake kuwa kushimuka, nae kumwona Imumu wake Nnungu wakuva mwang'unda ashuluka kwida ndamwikala.

Malukushi 6:30

Napanelo avalá vamyombe vandyúja kuka kumwe Yesu kutwala kummalangangila vinu uti vyavatandile na vyavapundishidye.

Lukashi 24:51

Avaalaliya nae andívanyema kutanduligwa kuka kuwa.

Lukashi 9:51

Napanelo Yesu maduva ake akupwashalalegwa kuwa akavandikange, andyámuwa kumalidya mwanda kuka ku Yelusalemu.

Nshuwau 1:16

Doni, mukuumbaligwa kwake, wetu uti tundipata umonyo kuleka umonyo

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Nshuwau 13:18

“Nangu namwamba shinu mwenu uti; ndivamanya avalá vandivatandwele kanji ni pakulota awikile popo Maandiko, ‘Aijá áshilya namu nangu andijalukanga kuva mmongo wangu.’

Nshuwau 13:3

na Yesu àmanyite kenga Tatamunu aninkamudya vinu uti mmakono mwake, namomo àalakadile kwa Nnungu na ankuujila kwa Nnungu,

Nshuwau 16:28

Nangu ngwaleké kumwe Atata kutwala kwida mushilambo shapai, napane ninkuma mushilambo amu kuujila kumwe Atata.”

Nshuwau 17:13

“Napanelo ambi apa ninkwida kwako; vinu avi ninkutangola ngùvele mushilambo pakulota mmitima myave lyumbale likulupililo lyangu.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Nshuwau 20:21

Napanelo Yesu andívaulila kavili kushidoni, “Amani ipagwe namu mwenu! Kenga mo mwangutumidididye nangu Atata, nanangu ninkuntumidya mwenu.”

Nshuwau 3:34

Aijá wantumididye Nnungu atangola malove ake Nnungu mwaa nae andimupa Imumu íkave shipimo.

Nshuwau 6:62

Ilota kuva dashi mukamwona Mwana Wamunu akwela auka kulyutu lyavéle patandi?

Nshuwau 6:70

Yesu kuvajang'ula kushidoni, “Da nangu hanintandwele mwenu kumi na mbili? Bai munu jumo pakati penu ankuva Ndamoni.”

Vitendo 1:11

kutwala kushidoni, “Mmagalileya, mulalela nyamani kuwa? Jo Yesu wavamuumidye pakati penu kuka kuwa, andaaloka kenga mo mwamumwanalele auka kuwa.”

Vitendo 1:13

Vanu avo, yani Patulu, Nshuwau, Tiyagu namu Andaleya, kwida Pilipo, Tome, Balutolomeu namu Mateu, kwatika Tiyagu mwanagwe Alupeu, Simoni aijá Shelote namu Yudashi mwanagwe Tiyagu, pavawikile nkaja amulá vandyúka ndainjila mushumba shavawikidíle shapashanya ulungu.

Vitendo 1:22

kutunduvangila paubatisho umwe Nshuwau mpaka muliduva lyavantandwile Umu Yesu pakati petu kuka kuwa, jumo pakati pavalume avo ave nshudamwetu wakudyuka kwake Yesu.”

Vitendo 1:9

Akatangole malove alo, nae kutanduligwa vanavo vamwona kwinjila mulyundi kutwala kugwalagwala pavakamwona kavili.

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Vagalata 1:1

Nangu Paulu, myombe kanji níkaalakadile kwavanu na ata i kwaindila yavanu ila kwaindila imwe Yesu Klistu pamo na Nnungu Atata ándyuwidye Yesu pakati pavakupela,

Vaepeshu 2:20

Mundidangegwa pashanya vamyombe na vakulava, lijanga likumene lyashitunduvangilo kuva Klistu.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Vabalaniya 9:24

Mwaa Klistu hainjidile Lyutu Lyakwilimyanga-uti lyavakandyenge vanu lìvele lilodyo vila lya alilá liu; nae andiinjila akulá kuwa kwene-kwene, nadoni ambi apa ankupagwa pamevo pake Nnungu yetu wetu.

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.

II Patulu 3:2

yakunkumbuwanga malove atangaléke wakati wapanyuma kwaindila yavakulava vakwilimyanga na alilá lilamulo limwe Umu na Mwamboli lyamuukile ndapundishigwa na vamyombe venu.

Maono 1:1

Maono amwe Yesu Klistu áumidye Nnungu pakulota kuvamanyiya vatumika vake vinu vivaikidíle vitandeke ambi popa. Nae anintumidya njelo wake kwida nammalangila ntumika wake walina Nshuwau,

Maono 2:11

“ ‘Ávenavo matu, aigwe vyatangola Imumu na maganisha. Nkútema, mwiko hashintandeka shinu mukupela kwambili.’ ”

Maono 2:17

“ ‘Ávenavo matu, aigwe vyatangola Imumu na maganisha. Nkútema ndamupa alye manaa apiíke na ndamupa lijanga lyanashwe lyavandike lina lyaambi, lina alyo hapali ámanyite ila jo mwene ápwashalela.’ ”

Maono 2:29

“ ‘Ávenavo matu, aigwe vyatangola Imumu na maganisha.’ ”

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”

Maono 21:14

Lishiti lyalingongo lyanjini awo, vadangile pashanya majanga kumi na mbili; namomo pashanya pakula lijanga, vandyándika lina limo pakati pamena a avalá vamyombe kumi na mbili vamwe Ngandolo.

Maono 3:13

“ ‘Ávenavo matu, aigwe vyatangola Imumu na maganisha.’ ”

Maono 3:16

nadoni kwoda mwaa wako uve pakatipakati, haunadidima shinu na haunapiya shinu, bai nguve pepi-pepi na kukutapika.

Maono 3:22

“Ávenavo matu, aigwe vyatangola Imumu na maganisha.”