Vitendo 1:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Napanelo muwakati awo muliduva limo vandíkadyanianga vanung'unumunu vakuwikila kenga imiya imo na ishilini kutwala Patulu kutakatuka pakati pave kutangola doni,

Vitendo 1:15 ပူးပေါင်းရင်းမြစ်များ

Mateu 13:31

Kutwala kuvakang'ela kavili nkong'o unji aashidoni, “Utawala wakuwa uvelé mwaimbeju yanshupi yatwete munu kuka ndapanda mulishamba mwake.

Lukashi 22:32

Kanji nangu ndikujugwila kwambangidya likulupililo lyako halinajaike. Napanelo wako paunguujila po, vanonowange vanung'unumunu.”

Nshuwau 14:12

Ninkumwaulila mwiu mwiu doni, aijá ángukulupila nangu, vyangutenda avi nanae momo andatenda na vyakwanjadyeka kupunda avi, nae andatenda mwaa nangu mwanda kumwe Atata.

Nshuwau 21:23

Ni ashi shitadídye dyandavale dyabali pakati pavanung'unumunu dyakushidoni, “Nkwóda aju, mwiko hapela.” Kanji hamwaulidíle doni, “Nae po, hapela,” ila amwaulidile doni, “Ikava kenga nangu ninkulota nae apagwe mpaka pangulota kwida, wako shako nyamani?”

Vitendo 10:23

Bai Patulu andívapwashalela vajeni vo paing'ande; palyamba lyake nae namu vanavo vandímalidya mwanda kutwala vanung'unumunu vanji va pa Yope kumpalakela.

Vitendo 11:1

Napanelo vamyombe pamo na vanung'unumunu ku Yudeya uti vandígwa doni, ata vamidi momo vandipwashalela lilove lya Nnungu.

Vitendo 11:12

Kutwala Imumu kungwaulila nguke namu vanavo pandikaambambidya; vanung'unumunu ava sita kuka pamo namu nangu ku Shashaleya mpaka paing'ande imwe Koluneli.

Vitendo 11:26

Akamwone, aníntwala kumwidanavo pa Antiyokiya. Bai vanavo vandíikala pa Antiyokiya mpaka kumalila mwaka umo vavapundisha vakwoda voe vapaliganisha lyankaja amo. Napane pa Antiyokiya ni pavavashamíle vakwoda lina lya Vaklistu mumwanda utandi.

Vitendo 11:29

Bai vanavo vandyámuwa kula nkwóda atumidye lipwashalelo kwodananavo shilinga shalyulula kwavanung'unumunu va ku Yudeya.

Vitendo 12:17

Patulu kung'aniang'anianga nkono kuvamaladya kutwala kuvavalangangila mwamuumididye Umu nkalaboshi kutwala kushidoni, “Tiyagu jo pamo na vanung'unumunu, vavalangangile.” Nae kutwala kuma kuka kulyutu linji.

Vitendo 14:2

Kutwala vayuda vákaitikidile lilove alyo vandivatubya vamidi pakulota vavapinge vanung'unumunu avo.

Vitendo 15:1

Napanelo vanu vanji vandyúma ku Yudeya kuka ku Antiyokiya kutwala kutunduvanga kuvapundisha vanung'unumunu vaashidoni, “Mwenu vakanankumula likumbi kenga mwalilatela lidyavalelo lyake Musha, mwiko hamwambolegwa.”

Vitendo 15:3

Napanelo liganisha likavatumidye, vanavo vandípitila ku Poiniki na ku Shamaliya vavavalanganga vamidi mwavashinjiulidile mitima vyave kwa Nnungu; bai vanung'unumunu vandípuwanga namene mwaa wadyabali adyo.

Vitendo 16:2

Jo Timoti aju, vashinammalanganga wambone vanung'unumunu va pa Lishitala na va pa Ikoniu.

Vitendo 16:40

Vapaulu vakaume nkalaboshi vandyúka kwing'ande imwe Lidiya na paing'ande apo vandívakodya vanung'unumunu; bai vanavo vandívapa ntima shii vanung'unumunu avo kutwala kuma nkaja mu Pilipo mo kuka.

Vitendo 17:10

Palidimbile liduva vanung'unumunu vaníntwalinneu Paulu namu Shilashi kuvaukanavo ku Beleya. Pavawikile ako vandyúka kushitala shakulipudidya shavayuda.

Vitendo 17:14

Muwakati wowo vanung'unumunnu vandímwaulila na vanímpanganiangidyanneu Paulu auke nanyenje imanga kanji Shilashi namu Timoti vandíikala mo nkaja mu Baleya.

Vitendo 17:6

Kanji kwodamwaa havavapatíle, vanavo vandímuutanga Yashoni pamo na vanung'unumunu vanji kuvaukanavo kwavananangalaledi vapalikaja alyo vajunga pashanya po vaashidoni, “Vanu ava vapíta vatindinganianga shilambo, nkaja amu momo vandiwika.

Vitendo 18:18

Napanelo Paulu andíikala maduva oe pa Kolintu. Kutwala apo, andívalaila vanung'unumunu kuka ku Kenkeleya akakwele mwingalava auke ku Shiliya namu Pilishila pamo namu Akila. Kanji pa Kenkeleya, andíbubula ugwimbu wake mwaa andílivikila kwa Nnungu.

Vitendo 18:27

Napanelo Apolu pakumbukidile kwamboka imanga kuka ku Akaya, vanung'unumunu vanínnonowanga na vandyándika ibalugwa pakulota vakwoda vakwanavo, vampwashalele. Kuwika kwake Apolu ku Akaya nae andívapwashela namene avalá ve vakulupidíle kwaindila yaumonyo

Vitendo 21:17

Bai patuwikile pa Yelusalemu, vanung'unumunu vandítupwashalela na lipuwilo lyoe.

Vitendo 21:20

Vanavo vakaigwe vyavavalangangidile, vandímupa lishangelo Nnungu na vandímwaulila Paulu kushidoni, “Nung'unumunu, unkwona makumi manga avayuda vakulupidíle. Vanavo vankuvanavo dukuduku kwa Lilamulo,

Vitendo 21:7

Patumalidile shimwanda shetu tuma pa Tilu, tundíwika pa Patolamaida. Apo, wetu tundívaudyanga vanung'unumunu na tundíikalanavo liduva limo twambanganavo myaa.

Vitendo 22:5

Ata jo nkúlangalalela-shadaka nkumene ing'ano ai ankuulula kutaa ushuda pamo na nkodyanio wavanang'olo uti. Vovo ava vaningupa shitambulisho shakuka ndalodya kwavanung'unumunu va ku Damashiko pakulota ndivatwale vavé kwanavo ndivaidenavo na mang'unyang'unya pa Yelusalemu apa vavape shaushanga.

Vitendo 28:14

Pa Putiyoli wetu kuvakodya vanung'unumunu, vovo vo kutujugwangila twikanavo ishumana imo. Kutwala apo, tundyúka ndawika ku Loma.

I Vakolintu 15:6

Kutwala apo, kuvaumilila vanung'unumunu vakupunda vanu dimiya mwanu kwamwanda umo, vanji pakati pave voe vankupagwa mushingumi mpaka ambi kanji vanji vo, vandipela.

Maono 11:13

Muwakati wowo shindyúmilila shindangenda shakujowa kutwala imbande imo yakumi yanjini kubamoka. Shindangenda shosho sho, vandípela vanu dyalupu saba, vabakidíle vo, kundívaida kujopa na vandímupa lishangelo Nnungu wakuwa.

Maono 3:4

Ata ive davo ko ku Shalideshi ko, unkuvanavo vanji padyoko vákanyatyenge dinguvo dyave. Vovo vo, vandawena namu nangu vàgwalenge dinguvo dyave dyanashwe mwaa vandivaikila.