Vitendo 1:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Bai vanavo uti kwaunapamo vashindashwali; vashindashwalinavo Maliya anyoke Yesu na vanung'unuvake Yesu pamo na vakongwe vanji.

Vitendo 1:14 ပူးပေါင်းရင်းမြစ်များ

Mateu 12:46

Napanelo Yesu akuno atangola na imbumba yavanu, mwe! Anyoke pamo na vanung'unuvake kwida panda ndajugwa vatangonavo.

Mateu 21:22

Namomo shinu shamulota kujugwa kwaindila yakushwali, mukakulupila mundapata.”

Mateu 27:55

Popo po vandíimilanga vakongwe voe kwakushu valola, vakongwe avo ni vovo ve vamwodíle Yesu kuma ku Galileya vapita vantumika.

Malukushi 15:40

Namomo popo po, vandípagwa vakongwe vàimilenge kushu valola. Pakati pave vanji vo vavele ava: Maliya wa ku Magadalena, Maliya anyoke nnemba ndikidiki Tiyagu namu Yoshe pamo namu Shalome.

Malukushi 16:1

Bai likadimbe liduva lyakupumula, Maliya wa ku Magadalena, Maliya anyoke Tiyagu pamo namu Shalome vandíshuma mauta akunung'angila pakulota vauke vakapake mili wake Yesu.

Lukashi 11:13

Bai ikava kenga mwenu mmanu mmakalau munkumanya kujaula vinu vyambone kuvapa vanavenu, Atata nimpomo nae kuwa ko, ananjaula Imumu Wanashwe kuvapa avalá vanjúgwa.”

Lukashi 18:1

Napanelo nae andíkong'a nkong'o avamanyiya vakwoda vake vashwalye ngwengwe pavakaujila kunyuma

Lukashi 23:49

Vavagwe Yesu pamo na vakongwe váshimwoda kutunduvangila ku Galileya, vandíimilanga kushu valola víshitandeka.

Lukashi 23:55

Napanelo vakongwe avalá vaaléke namu Yesu ku Galileya, vandímwoda Yoshe, vandyóna shonga ashilá na mwavaladyadidye mili.

Lukashi 24:10

Napanelo vakongwe vaidínavo dyabali adyo kwavamyombe vavele ava: Maliya wa ku Magadalena, Shuwana, Maliya anyoke Tiyagu pamo na vakongwe vanji vavéle mushipinga shosho.

Lukashi 24:33

Kutwala vanavo muwakati wowo kutakatukanginneu kuujila ku Yelusalemu; ako vandívakodya kumi na moja avalá na vanu vanji vàkadyanienge pashinu pamo

Lukashi 24:53

Vanavo ngwengwe vashindapagwa mwing'ande ya Nnungu vantumbyanga Nnungu.

Lukashi 8:20

Vanu kumwaulila, “Anyoko pamo na vanung'unuvako vapali panda po, valota wonanenavo.”

Vitendo 2:1

Napanelo liduva lya Pentekoste likawike vakwoda vake Yesu uti vandípagwa pashinu pamo.

Vitendo 2:42

Napanelo vanavo vashindangaikangila mapundisho avamyombe, upamo, kumajananga ligung'u na kushwali.

Vitendo 2:46

Liduva kwaliduva vakadyania mwing'ande ya Nnungu, vamajananga ligung'u muding'ande, vashindamajananga kula munu na muje kwamitima vyalipuwilo na vyakujaulanga,

Vitendo 6:4

pakulota wetu apa ngwengwe tupagwe mukushwali na mukutumikila lilove.

Valoma 12:12

Mulilindilililo, puwanga. Mumauvilo, lipililile. Mukushwali, nanopa.

I Vakolintu 14:13

Napavedoni, aijá átangola inangodi yaambi, inimmaikila ashwali apate lyululilo lyakuvalangangilila.

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Vakoloshu 4:2

Wena mushu munanopa mukushwali, muva mevo nkati mwake na mulambwalela,