Vapilipo 4:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Avilá vyamulipundishidye, vyamupatile, vyamwigwite na vyamugwene kwangu nangu, vinu avyo tandedya na Nnungu waamani andapagwa namu mwenu.

Vapilipo 4:9 ပူးပေါင်းရင်းမြစ်များ

Mateu 1:23

“Mwenu, mwali ntete anammaleka mwana nnume. Mwana ajo vananshema lina lya Emanuweli,” kwakuvalangangila mana ake, Nnungu ankupagwa namu wetu.

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Mateu 7:21

“I uti avalá vangwaulíla ‘Umu, Umu’ vandainjila muutawala wakuwa, ila aijá átandedya malotelo ake Atata ávele kuwa.

Lukashi 6:46

“Mwaa shani mungushema ‘Nang'olo, Nang'olo’ na mwenu shanimwaulila nangu hamunatandeya shinu?

Lukashi 8:21

Kanji nae kushidoni, “Ajala na vanung'unuvangu ni avalá vaigwilíla lilove lya Nnungu na kuvikila mmitendo.”

Nshuwau 13:17

Napane ikava kenga mundimanya vinu avi, mundaalaligwa mukatandedya.

Nshuwau 15:14

Mwenu ni mmavangu mukatandedya avilá vyaninnamulila nangu.

Nshuwau 2:5

Bai jujumunu andívaulila avalá vatumika vapaing'ande doni, “Vinu uti vyalota kumwaulila, mwenu tandedya.”

Vitendo 9:6

Napavedoni takatuka winjile nkaja mo! Mo nkaja mo, vandakwaulila shilotéka utende.”

Valoma 15:33

Nnungu waamani apagwe namu mwenu uti. Ame.

Valoma 16:20

Nnungu waamani anankandinneu Shatwani ambi apa mmadodo mwenu. Umonyo umwe Umu wetu Yesu upagwe namu mwenu.

I Vakolintu 10:31

Napavedoni, ikava kenga munkulya kwali munkukumbila kwali munkutenda shoeshoe, tenda kwalishangelo lyake Nnungu.

I Vakolintu 14:33

Mwaa Nnungu hanava shinu Nnungu wampulugu kanji ni waamani. Kwakulinganana kenga mo mwaivalalele mmaganisha uti avakwilimyanga vake Nnungu,

I Vakolintu 4:16

Napavedoni ninkunnaililila pakulota muve mmakujedya vangu.

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

Vapilipo 3:17

Mmanung'unumunu, ungana mutwale mungujedye na muvalole avalá vanáma kwakulinganana na mpano wamuvenavo mwenu kwetu wetu.

Vapilipo 4:7

na amani ya Nnungu ipúnda ding'anong'ano uti indashunga mitima na ding'ano dyenu nkati mumwe Klistu Yesu.

I Vateshalonika 1:6

Mwenu mundilitenda kuva mmakujedya vetu na vamwe Umu pamupwashaladile lilove nkati mumauvilo oe kwalipuwilo lya Imumu Wanashwe.

I Vateshalonika 2:14

Mwaa mwenu mmanung'unumunu mundilitenda kuva mmakujedya vamaganisha a Nnungu nkati mumwe Klistu Yesu avéle ku Yudeya pakuva mwenu mundyuvauvanga mauvilo lolo kwavenentetemwenu kenga vanavo kwavayuda

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

II Vateshalonika 3:4

Tunkuvanavo likulupililo nkati mumwe Umu ikava yenu mwenu, vinu vyatunnamulidile munkutenda na mundauka mushu mutenda.

II Timoti 4:22

Umu apagwe pamo na imumu yako. Umonyo upagwe namu mwenu.

Tiyagu 1:22

Ava mmanu mmakutandedya alilá lilove, hamunave mmakwigwa vila muliduwanga mwemwe mmene.

II Patulu 1:10

Napavedoni mmanung'unumunu, kavili likanyalidye namene pakulota kushamegwa na kutandalegwa kwenu kunanope mwaa mukatenda avyo, mwiko hamulikuvala.

I Nshuwau 3:22

na kula shinu shatunjugwa nae, tunkupata kwalakela kwake mwaa tunkwigwilila malamulo ake na kutandedya vyapuwangila.