Vapilipo 4:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Kumwe Nnungu wetu na Tatagwetu lipagwe lishangelo ngwengwe ngwengwe. Ame.

Vapilipo 4:20 ပူးပေါင်းရင်းမြစ်များ

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Mateu 6:9

Napenelo amu ni mwakushwalidya mwenu, “ ‘Atata wetu úvele kuwa, lina lyako liilimyangike,

Valoma 11:36

Mwaa kutunduvangila kwake nae, kwaindila yake nae na kwaupande wake nae vinkupagwa vinu uti. Lipagwe lishangelo kwake nae ngwengwe. Ame.

Valoma 16:27

kwake Nnungu jumo walimanyilo apate lishangelo ngwengwe kwaindila imwe Yesu Klistu. Ame.

Vaepeshu 3:21

kwake nae lipagwe lishangelo nkati muliganisha na nkati mumwe Klistu Yesu kwadimbula uti ngwengwe ngwengwe! Ame.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vapilipo 4:23

Umonyo umwe Umu wetu Yesu Klistu upagwe mushingumi shenu.

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.

Yudashi 1:25

kwake Nnungu ávele jumo, Mwamboli wetu, lipagwe lishangelo, ukumene, lyululilo na madalaka kwaindila imwe Yesu Klistu Umu wetu, kutunduvangila wakati uti, ambi apa na mpaka vyaka uti! Ame.

Maono 1:6

jojo jo kutwala kututenda kuva utawala, vakulangalalela-shadaka kwa Nnungu wake, jo Tatamunu. Kwake nae lipagwe lishangelo na lyululilo ngwengwe ngwengwe! Ame.

Maono 11:13

Muwakati wowo shindyúmilila shindangenda shakujowa kutwala imbande imo yakumi yanjini kubamoka. Shindangenda shosho sho, vandípela vanu dyalupu saba, vabakidíle vo, kundívaida kujopa na vandímupa lishangelo Nnungu wakuwa.

Maono 14:7

atangola pashanya po aashidoni, “Njope Nnungu na tumbyanga lishangelo lyake mwaa undiwika wakati waukumu. Namomo lipudye kumwe aijá ákandyenge kuwa, pai, imanga na mwadipandukenge dyundi.”

Maono 5:12

vaimba pashanya po vaashidoni, “Ávaikidile kupata dimongo na mali, limanyilo na lyululilo, ishima, lishangelo na litumbyangilidyo ni Ngandolo ábyaigwe.”

Maono 7:12

vaashidoni, “Ame. Litumbyangilidyo na lishangelo, limanyilo na lilambwalalelo, ishima, dimongo na lyululilo vive kumwe Nnungu wetu ngwengwe ngwengwe. Ame.”