Vapilipo 4:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Nnungu wangu andalinganianga uti avilá vyamulota kwautajili wavenavo mulishangelo nkati mumwe Klistu Yesu.

Vapilipo 4:19 ပူးပေါင်းရင်းမြစ်များ

Mateu 6:32

Doni, vinu avyo uti vamidi ni vaangaikangíla. Tatagwenu wakuwa ankumanya kenga uti avyo mwenu munkulota.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Nshuwau 20:27

Napane Yesu andímwaulila Tome kushidoni, “Jela shala shako apa, lola manda angu. Nyalodya nkono utwale ujele ndimbau. Haunauke mushu muungakulupila kanji kulupila.”

Valoma 1:8

Shinantandi ninkunnambwalela Nnungu wangu kwaindila imwe Yesu Klistu kwamwaa wenu mwenu uti mwaa likulupililo lyenu linkuvalangangigwa mushilambo uti.

Valoma 11:33

Aa, umbala ukumene wamali, limanyilo na umanyimanyi wake Nnungu! Kukamadyanga dashi kukodyakodya wamushi wake na kukamadyanga dashi kumanya dindila dyake!

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

Valoma 8:18

Mwenu, nangu ninkuvalangila kenga mauvilo átupata muwakati au watuvele, havaikidile kulinganianga na lishangelo lilóta kulilodya nkati mwetu.

Valoma 9:23

pakulota uumbala walishangelo lyake umanyike kwavyombo avilá vyamushididi shake vyapanganienge kaladavo kwalishangelo,

II Vakolintu 12:21

Ninkujopa pangwida kavili po, Nnungu wangu kunguvika mudyoni pamevo penu na ndatangadikanga kwamwaa wa avalá vatagíle kala kutwala mene kulijugulanga kwaushapu, kwauwendi na kwakulauka kwavatandile.

II Vakolintu 4:17

Mwaa mauvilo awakati au, maangolo na akupita, anavo ankwidanavo kwetu wetu lishangelo líkamalilika liidópa namene kupunda uti

Vaepeshu 1:18

alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

Vaepeshu 3:16

pakulota kwautajili walishangelo lyake, antadye munanawangike na dimongo kwaindila yaimumu yake nkati muumunu wenu,

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Vapilipo 4:7

na amani ya Nnungu ipúnda ding'anong'ano uti indashunga mitima na ding'ano dyenu nkati mumwe Klistu Yesu.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 3:16

Lilove limwe Klistu liname namene nkati mwenu, mupundishania na mudumana kwalimanyilo uti, mwimba dimu, dimu dyalutumbyango na vilanga vyaimumu, muvanavo lilambwalalelo mmitima vyenu kwa Nnungu.

I Vateshalonika 2:12

tunnaililila, tumupa ntima shii na tunkanyalidya pakulota muname shinamidyo shimmaikíla Nnungu aijá ánshamile muutawala wake jo mwene na mulishangelo lyake.

I Timoti 6:17

Kwavatajili vawakati au, valaililile havanalyone, havanavike lilindilililo lyave mumali ákakulupilika kanji vavike lilindilililo lyave kumwe Nnungu átupa uti kwabila kulakalela kwalipuwilo lyetu.

Pilemoni 1:4

Ngwengwe ninkunnambwalela Nnungu wangu pandikukumbukila wako nkati mukushwali kwangu

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.