Vapilipo 4:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Mwenu mmapilipo mundimanya shana kenga kukutunduvanga ntenga wambone panguukile ku Makedoniya halipali liganisha liliinjidyénge mwing'ano yakujaula na yakupwashalela ila ni gweka mwenu.

Vapilipo 4:15 ပူးပေါင်းရင်းမြစ်များ

Vitendo 16:40

Vapaulu vakaume nkalaboshi vandyúka kwing'ande imwe Lidiya na paing'ande apo vandívakodya vanung'unumunu; bai vanavo vandívapa ntima shii vanung'unumunu avo kutwala kuma nkaja mu Pilipo mo kuka.

Valoma 15:26

Mwaa ku Makedoniya na ku Akaya indivanagwela kutenda nshango kwamwaa wavakave pashinu pakati pavakwilimyanga va ku Yelusalemu.

Vapilipo 1:12

Ngulota mmanung'unumunu mumanye doni avilá vingutandéke, kwakutangola mwiu vyanavo vindipwashela kwandadya ntenga wambone

Vapilipo 1:16

Ava vankutenda kwalinagwaledyo vàmanyite doni Nnungu angupangidilé kushililidya ntenga wambone.

Vapilipo 1:5

kwamwaa waupamo wenu nkati muntenga wambone kutunduvangila liduva litandi mpaka nelo.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vapilipo 2:12

Nadoni mmakunagwaleka, kenga mo mwamungwigwilidile ngwengwe, ambi apa i do ngupagwité ako kanji kupunda namene pandikapagwite, tandedya kwambwalegwa kwenu mujopa na mutatamela