Vapilipo 4:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Ata ive davo, mwenu munditandedya wambone kwakuliinjidyanga mumauvilo angu.

Vapilipo 4:14 ပူးပေါင်းရင်းမြစ်များ

Mateu 25:21

Nang'olo wake kushidoni, ‘Shambone namene! Wako ni untumika shii na wakukulupilika! Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Valoma 15:27

Indivanagwela kutenda davo na kwaumwiu vanavo ni vakudaigwa kwaupande wave. Mwaa ikava kenga vamidi vandiliinjidyanga muvinu vyaimumu vyave, indivavaikila momo vavatumike mushipato shave.

Vagalata 6:6

Aijá ápundishigwa mulilove, inimmaikila amajanange avilá vyambone uti namu aijá ámpundisha.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

Vabalaniya 10:33

myanda vinji mutukanigwa na mutaigwa dyoni paumbala, myanda vinji muva mmakuliinjidyanga na vavenu vapáta mauvilo lolo.

Vabalaniya 10:34

Mwenu mundilyunganianga na mauvilo avakungwa, namomo pamushipakanyalegwa vyenu mushindakubali kwalipuwilo mwaa mushindamanya kenga munkuvanavo mali amana ngwengwe.

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.