Vapilipo 4:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Hangunatangola shinu yakungwova shoeshoe mwaa ndilipundisha kulishika muvyoevyoe.

Vapilipo 4:11 ပူးပေါင်းရင်းမြစ်များ

Lukashi 3:14

Vaing'ondo vanji navanavo kumudya, “Kushi wetu tutandele mwashi?” Nae kushidoni, “Hamunankwinyange munu woewoe shinu shake, hamunantambudyange munu shákatandile kanji puwangila nshala wenu wamupata.”

II Vakolintu 11:27

mushimadengo shakupwateka, shilo myanda vyoe bila lwono, mwindala na mwinyota, mukwova shakulya myanda vyoe, mukudidima imepo na muwou.

II Vakolintu 6:10

kenga túvenavo shipalodi kumbe ngwengwe tunkupuwanga, kenga tuvamashikini kumbe ni túvatadya voe vatajilike, kenga túkave pashinu kumbe tunkuvanavo uti.

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

II Vakolintu 9:8

Nnungu napane ankuulula kutadya umonyo uti uumbaligwe kwenu mwenu pakulota muuti na muwakati uti, muvanavo uti vitósha, muumbaligwidye mushimadengo uti shambone.

Vapilipo 3:8

Ata kwakupunda apo, ninkwona vinu uti kuva vyakujaika kwamwaa waukumene wakumamodya walimanyilo limwe Klistu Yesu Umu wangu, aijá waninjaikangila vinu uti. Avyo uti ninkwona kuva dinywashwa kwambangidya nimpate Klistu

Vabalaniya 10:34

Mwenu mundilyunganianga na mauvilo avakungwa, namomo pamushipakanyalegwa vyenu mushindakubali kwalipuwilo mwaa mushindamanya kenga munkuvanavo mali amana ngwengwe.